بوزن زائد.. صورة جديدة لـ شيرين عبد الوهاب تثير الجدل

أثارت الفنانة شيرين عبد الوهاب الجدل بعد نشرها لصورة مع عدد من اصدقائها عبر صفحتها الخاصة على موقع التواصل الاجتماعى فيس بوك.

شيرين عبد الوهاب بوزن زائد

وظهرت شيرين خلال الصورة ببطن منتفخة بشكل كبير الأمر الذي أثار الجدل حول حملها وانهالت تعليقات الجمهور على الصورة مباركين لها على الحمل.

تصريحات شيرين عبد الوهاب

وكانت شيرين قد أثارت الجدل خلال الأيام القليلة الماضية بعد أن فتحت النار على طليقها المطرب حسام حبيب خلال مداخلة هاتفية اجرتها لبرنامج “كلمة اخيرة ” مع الإعلامية لميس الحديدى عبر شاشة قناة ON.

وقالت شيرين عبد الوهاب خلال هذه المداخلة : "بالفعل تم الطلاق وبعد ما هديت من الكارثة اللى حصلت حسيت إنى مش قادرة استغنى عنه وحسيت إنى عايزة اديله فرصة تانية وكل اتنين مع بعض لما بيسيبوا بعض مش لازم يكون فيه فجر في الخصومة، علاقة الزواج مقدسة لازم نحافظ عليها".

وأكدت “عبد الوهاب” أنها طلبت بعض الشروط من أجل العودة من جديد لحسام وهى وجود منزل منفصل، منعًا لتعرض بناتها لأى مشاكل نفسية.

وقدمت شيرين اعتذارها إلى الجمهور على الهواء، قائلة: "عاوزة أستغفر ربنا على الكذب اللي كذبته عشان أخلي صورة إنسان تبقى كويسة وأنا كذبت ودي أكتر حاجة ربنا مبيحبهاش".

و تابعت شيرين: "أنا ست قاعدة في أمان الله مع بناتي بقالنا 4 سنوات شايفين الويل سافرنا الساحل وقلنا نقعد أربع أو خمس أيام ونرجع مبسوطين وتتحسن نفسية البنات ونفسيتي ومكناش بنخرج ومكناش عايشين تقريبًا والبنات مكنوش يعرفوا يقعدوا معايا، لأني كنت عايشة مع زوج مش بيشتغل تقريبًا وكنت محبوسة 24 ساعة في أوضة نومي مش بعمل حاجة، قاعدة بس وأنا غلطت في حق نفسي، وكنت فاكرة أني بحافظ على بيتي لكني اكتشفت أنه مكانش بيت، كانت عيشة فئران أو مصيدة أنا كنت زي الفار اللي بيدخل المصيدة ياكل حتة جبنه".

تابعت: "كنت عايشة مع راجل مش بيشتغل ولا بيخرج ولا بيشوف أهله ولا أصحابه وكل همه حب الامتلاك ومع ذلك فضلت جمبه وهو لا يعرف إلا فكرة حب الامتلاك وصبرت لأني كنت بحاول أنجح الحب ده ومكنتش بحب أتهزم وأنا بطبعي أكون خدامة الرجل اللي أعيش معاه".