رد حسام حبيب على تصريحات شيرين عبد الوهاب المثيرة للجدل: هارد عليكى بالمستندات

أثارت تصريحات النجمة شيرين عبد الوهاب عبر مداخلة هاتفية لبرنامج “كلمة أخيرة” مع الإعلامية لميس الحديدى عبر شاشة قناة ON حول علاقتها بزوجها المطرب حسام حبيب.

رد حسام حبيب على تصريحات شيرين عبد الوهاب

ورد حسام حبيب على تصريحات شيرين عبد الوهاب من خلال مداخلة هاتفية لأحد البرامج قائلا: “هيبقى في إجراء قانوني أنا عمري ما دافعت عن نفسي أو اتكلمت دا كلام كله مرسل لكن الكلام اللي هرد بيه هيكون بالمستندات، كل حاجة بحضرها وهجهزها وهعلن عنها فى الوقت المناسب”.

تصريحات حسام حبيب ضد شيرين عبد الوهاب

وتابع حسام حبيب: “حفاظا عليها وعلى سمعتها وعلى بيتها مكنتش بتكلم.. لكن دلوقتي هضطر اتكلم لأن الكلام زيادة عن اللزوم و مش هطلع أقول كلام مرسل هطلع بحقايق ومستندات.. مش هفتري على حد.. هرد على كل حاجة قالتها بمستندات تثبت أن الكلام دا كله تهديد علشان اسمع الكلام وبتهددنى دايما بجمهورها وهي بتحاول تعمل كده دايمًا وإجراءاتي وردي في الإعلام هيكون بالحقائق علشان كده مش مستعجل بظبط أزاي هرد على كل حاجة قانونا و بالمستندات مش هاقول كلام اتحاسب عليه لاننى بتعرض للابتزاز”.

وكانت الازمة بين شيرين عبد الوهاب وحسام حبيب قد تطورت خلال الاشهر الماضية بشكل كبير، حيث اتهمت شيرين خلالها حسام حبيب بعدد من الاتهامات المختلفة بينما التزم “حبيب” الصمت لتفتح شيرين عبد الوهاب النار على حسام وعائلته مجددا من خلال مداخلتها من الإعلامية “لميس الحديدى”.

أزمة شيرين عبد الوهاب

وقالت شيرين عبد الوهاب خلال المداخلة التى امتدت لـ40 دقيقة كاملة إنها بعد طلاقها من حسام قررت العودة له من جديد ومنحه فرصة جديدة.

 

 

 

 

 

 

«ضرب وسحل وسرقة».. شيرين عبدالوهاب تتحدث عن «وجه آخر» لـ حسام حبيب

 

 

 

 

 

 

وأوضحت شيرين عبد الوهاب: "بالفعل تم الطلاق وبعد ما هديت من الكارثة اللى حصلت حسيت إنى مش قادرة أستغنى عنه وحسيت إنى عايزة أديله فرصة تانية وكل اتنين مع بعض لما بيسيبوا بعض مش لازم يكون فيه فجر فى الخصومة، علاقة الزواج مقدسة لازم نحافظ عليها".

وأكدت “عبد الوهاب” أنها طلبت بعض الشروط من أجل العودة من جديد لحسام وهى وجود منزل منفصل، منعًا لتعرض بناتها لأى مشاكل نفسية.

وقدمت شيرين اعتذارها إلى الجمهور على الهواء، قائلة: "عاوزة أستغفر ربنا على الكذب اللي كذبته عشان أخلي صورة إنسان تبقى كويسة وأنا كذبت ودي أكتر حاجة ربنا مبيحبهاش".

قد يهمك:

«تنمرت عليه» خلافات سابقة بين شيرين وحسن أبو السعود.. فما القصة؟

أتجوز قرد ولا ارجع لحسام حبيب.. 15 تصريحًا مثيرًا للجدل لشيرين عبدالوهاب

و تابعت شيرين: "أنا ست قاعدة في أمان الله مع بناتي بقالنا 4 سنوات شايفين الويل سافرنا الساحل وقلنا نقعد أربع أو خمس أيام ونرجع مبسوطين وتتحسن نفسية البنات ونفسيتي ومكناش بنخرج ومكناش عايشين تقريبًا والبنات مكنوش بيعرفوا يقعدوا معايا، لأني كنت عايشة مع زوج مش بيشتغل تقريبًا وكنت محبوسة 24 ساعة في أوضة نومي مش بعمل حاجة، قاعدة بس وأنا غلطت في حق نفسي، وكنت فاكرة أني بحافظ على بيتي لكني اكتشفت أنه مكانش بيت، كانت عيشة فئران أو مصيدة أنا كنت زي الفار اللي بيدخل المصيدة ياكل حتة جبنه".

تابعت: "كنت عايشة مع راجل مش بيشتغل ولا بيخرج ولا بيشوف أهله ولا أصحابه وكل همه حب الامتلاك ومع ذلك فضلت جمبه وهو لايعرف إلا فكرة حب الامتلاك وصبرت لأني كنت بحاول أنجح الحب ده ومكنتش بحب أتهزم وأنا بطبعي أكون خدامة الرجل اللي أعيش معاه".