«احترت معاهم».. عميل سامسونج: «شاشة التليفزيون بايظة ومش عايزين يصلحوها»

يواصل عملاء شركة سامسونج من الشكاوي الخاصة بالعيوب الفنية، وقال أحد العملاء في منشور له عبر جروب «THE POWER OF SOCIAL MEDIA GROP» على «فيسبوك» إنه تعرض للغش التجاري.

وأضاف العميل: «جبت شاشة من كارفور ٦٥ Samsung au7000 لقيت فيها مشكله لما بسيب قناة شغالة لمدة ربع ساعة مثلا بلاقي أي حاجه ثابته عالشاشه مطبعه لو نقلت علي أي قناة تانية يعني مثلا لو فيه بار اللي بيبقي في الأخبار تحت بلاقيه مطبع مثلا لوجو القناه ألاقيه مطبع برضو».

وتابع: «كلمتهم قالولي هنرجعلك الفلوس عشان الموديل مش موجود مفيش استبدال قلتلهم ماشي.. نزلت اشتريها من بي تك علي اساس انها كانت مشكله في الشاشه اللي رجعت وجاتلي لقيت فيها نفس المشكلة هي هي برضه.. هيعملولي طلب عشان فني يجيلي ويكتب التقرير وعلي الاساس هنشوف إيه اللي هيتم.. المفروض اعمل ايه لو لقيتهم بيقولولي زي المره اللي فاتت».