تفاصيل سرقة الفنان أكرم حسني: مش أول مرة

أعرب الفنان أكرم حسني عن غضبه بسبب سرقة الأغنية الدعائية "بالباقي لبان" لمسلسله الأخير في رمضان الماضي.

وكتب أكرم حسني على فيسبوك: الحقيقة دي مش أول مرة أتعرض فيها لسرقة شغلي بس الموضوع وصل لحد مايتسكتش عليه.. أنا مش ضد أي شكل من الأشكال الفنية طالما بتتقدم في إطار من الاحترام للمهنة وللمجتمع، لكن أنا ضد كل أشكال التعدي على حقوق الملكية الفكرية وسرقة مجهود وتعب ناس قعدت كتير أوي تشتغل.

لينا أحمد الفيشاوي في جلسة تصوير جريئة

وقال أكرم حسني: عملت أغنية دعائية لمسلسلي الأخير في رمضان اللي فات اسمها "بالباقي لبان" من كلماتي ولحن بلال سرور وتوزيع كينج.. وتفاجأت من يومين أنه تم سرقة لحن ال أغنية واتعمل عليها مهرجانين واحد اسمه " هلا والله " وواحد اسمه "خد فطيرك".. ودي مش أول مرة أبقى عامل أغاني سواء من ألحاني أو من ألحان زمايلي المحترمين اللي بتعامل معاهم ويتسرق اللحن ويتعمل بيه أغاني ودي "سرقة" صريحة تستوجب اتخاذ إجراءات قانونية.

وتابع: وعليه بيتم حاليا اتخاذ كافة الإجراءات القانونية اللي تحفظ حقي وحق زملائي الملحنين ضد اللي سرقوا ال أغنية لوقف المهزلة دي وبتوجه للنقيب المحترم الفنان هاني شاكر نقيب المهن الموسيقية بشكوى ضد من تعدوا على اللحن الأصلي لل أغنية وأتمني يكون في قرارات صارمة لعدم تكرار ده.

أحدث صورة لـ رضوى الشربيني بصحبة والدتها

واختتم أكرم حسني حديثه: ملحوظة، أكيد في ناس هتقوللي أنت ليه بتعمل شير للأغاني المسروقة أنت كده بتساهم في انتشارها .. أحب أقولكم الأغاني دي كده كده بتنتشر لأن ليها جمهورها سواء عملت لها شير أو لأ.