حوادث السبت، 13 يونيو 2020 07:31 مـ بتوقيت القاهرة 2020-06-13 19:31:24

مطلقة وزوجة شقيقها المثلية.. هروب من عذاب الزواج للوقوع في فخ انحلال الأسرة

كتب هدير مصطفى

حكايات جروبات المطلقات .. الطلاق قد يكون أصعب القرارات التي تلجأ إليها المرأة، حين تستحيل الحياة ويصبح المشوار بصحبة الزوج من المستحيلات، ولكن العودة للعيش في منزل العائلة أمر صعب، خاصة أن المتزوجة اعتادت الحرية والاستقلال، وربما تكون العودة لمنزل أسرتك من جديد تحمل مفاجآت مختلفة عن تقييد الحرية.

الحكاية تبدأ قصتها على لسان سمر، وهي معقدة بل تنطوي على كبت نفسي وبدني تعاني منه كثير من الزوجات، ولكنه الواقع الذي أصبح مأساة لا مفر منها، بالإضافة إلى انفصالها عن زوجها، الذي يشعرها بمرارة أيضا.

"انفصلت عن زوجي في ظروف صعبة جلعتني أمر بحالة نفسية سيئة".. تبدأ الكلام سمر، وتضيف: "خاصة بعدما عدت إلى منزل أهلي، وكنت أعاني من حياتي معه قدر معاناتي في بيت أهلي، حيث لا يهتم بوجودي أو غيابي أي شخص، حتى أمي، كما أن المنزل تعيش فيه زوجة أخي".

تستطرد في حديثها محاولة التغلب على الدموع في عينيها: المشكلة بدأت لما كنت نايمة ف ليلة في بيت أهلي، وحسيت بحد بيحاول يحرك إيده على جسمي، صحيت مفزوعة على مرات أخويا رافعة قميص نومي، وبتبوس في رجلي وما بينهم في أماكن حساسة، اتصدمت وقمت نطيت من السرير. وزعقت فيها.

وتتابع: سألتها أنتي بتعملي كده ليه؟، قالت لي: أنا بحبك، وحاولت تلزق فيا وتمسكني من جسمي، حسيت إن قلبي هيقف من الخضة، ورفضت تخرج من غرفة نومي إلا لما تاخد بوسة زي الرجالة بالظبط، صرخت فيها وقلت لها اطلعي بره، قالت لي: مش هاسيبك.

في اليوم الثاني.. تقول سمر: حاولت أقفل باب غرفتي من جوه، لقيت أمي بتسألني عن السبب، قلت لها مش عارفة أنام، قالت لي متقفليش الباب، ومكنتش عارفة أقول لها إيه، بس حطيت ورا الباب كرسي تقيل عشان أحس لو حد حاول يدخل وأنا نايمة، وفعلا صحيت على صوت الكرسي بيقع في الأرض عامل دوشة صحت البيت كله، وماما فضلت تزعق، وتشتمني، وتقولي بتعملي كده ليه، ومبقتش عارفه أعمل ايه، أو أقول إيه؟!

وفي حيرة من أمرها، تحكي: كل يوم بتحاول بشكل خلاني كرهت عيشتي، أنا فكرت أموت نفسي، ومش طايقة العيشة، وهي خبيثة وبتخلي أمي غضبانة عليا طول الوقت.

وعن المصارحة مع الأم قالت: أمي مش هتصدقني، ولو صدقتني مش هتعمل حاجة؛ لأنها مش عايزة مشاكل مع مرات أخويا، غير إنها هتعتبر إني باقول كده عشان أخرب عليها زي ما أنا اتطلقت، وهتعتبر دا حقد مني وغيرة منها، يا ريت حد يقولي حل.