تعليق ناري من عمرو أديب على فواتير المسشتفيات الخاصة في علاج كورونا

تحدث الإعلامى عمرو أديب عن الغلاء الكبير في فواتير المسشتفيات الخاصة فى علاج كورونا، وقال: "أغلب دول العالم فى مشاركة كبيرة ومساهمة ضخمة من المستشفيات الخاصة فى حل الأزمة، وده بيتم عن طريق الحكومة، التأمين الصحي بيوفر للمواطنين العلاج، لكن فى مصر الوضع مختلف".

وأضاف الإعلامي عمرو أديب، خلال برنامج "الحكاية" الذي يذاع على قناة mbc مصر: "النهاردة في موقف شجاع من الدكتور علي عبد العال رئيس مجلس النواب، اتكلم بغضب شديد وقال إن قانون الطوارئ بيتيح للدولة الحق فى وضع اليد على المستشفيات الخاصة واستخدامها فى علاج فيروس كورونا، واحنا مش بندور على غلق المستشفيات دي بالعكس، لكن لازم يكون ليهم موقف وطني كبير في هذه المرحلة".

وقال عمرو أديب: "الناس بالمستشفيات الخاصة قامت بالمغالاة، وحطت أرقام خيالية في الفواتير، لكن في النهاية برضه لازم يكون في موقف حكيم، زي ما حصل النهاردة مع وزيرة الصحة الدكتورة هالة زايد، جابت الناس دي، واتكلمت معاهم عشان تعرف هما بيفكروا فى إيه وسبب رفع الفواتير، وعشان يوصلوا لحل وسط، المفروض نوفر للناس دى الإمكانيات والأدوية ونحط تسعيرة ثابتة، وبعدها نيجي نحاسبهم".

عمرو أديب: ”أردوغان والسراج عمرهم ما هيقعدوا على ترابيزة المفاوضات”

تحدث الإعلامى عمرو أديب، عن تأييد دول ومؤسسات دولية لإعلان القاهرة المتعلق بالهدنة في ليبيا ووقف القتال، قائلا: "العالم كله في اليومين اللي فاتوا كلموا الرئيس عبد الفتاح السيسي ودعموا المبادرة المصرية للتهدئة في ليبيا، وأنا عن نفسي شايفها مبادرة شافية ومتكاملة للوضع في ليبيا، ويبدو أن المبادرة دي هتكون حجر الزاوية لو الموضوع ده كله دخل في مجلس الأمن وبدأت مناقشته".

وقال الإعلامي عمرو أديب، خلال برنامج "الحكاية": "المبادرة شملت كل حاجة، التعامل مع القبائل وتقسيم المناصب، ووقف إطلاق النار، وكل حاجة، الإدارة المصرية وضعت مجهودا كبيرا لإخراج المبادرة دي، النهاردة عندما تجد الكرملين نفسه جاي يقولك المبادرة دي فيها شمول، ألمانيا نفس القصة، فرنسا وإيطاليا وأمريكا وغيرهم، الناس دي كلها شافت المبادرة مناسبة ومهمة لوقف الصراع هناك".

وقال عمرو أديب: أردوغان عاوز يطلع المشير حفتر من المعادلة تماما، وطلع بنفسه قال مش هنهدى قبل ما ندخل الجفرة، الأتراك واضحين جدا، عاوزين ياخدوا البترول اللي في منطقة الهلال النفطي، والغاز اللي في البحر المتوسط، إنما بالنسبة لمصر الموضوع مختلف جدا، إحنا بندور على أمن قومي وحدود محتاجة تتأمن، وأردوغان والسراج عمرهم ما هيقعدوا على ترابيزة المفاوضات".

وأضاف: "الجيش المصري والقوات المسلحة المصرية لا تدخل اشتباكات إلا إذا كان هناك خطر مباشر يحيط بمصر، ودلوقتي في قنوات الإخوان بيقولوا أن الجيش هيدخل ليبيا وهيحصل فيه زي ما حصل في 1967، وطبعا هما بيفكروا غلط ومش فاهمين أي حاجة".