السيسي لـ الشعب: ”اوعوا تفتكروا بناء الدول سهل”

قال الرئيس عبدالفتاح السيسي: "هل المنظومة في بحيرة المنزلة لم تتغير من 100 سنة، اللي إحنا بنعمله ده رقم متواضع جدًا، وأنا مش بقلل من الرقم جنب الرقم الحقيقي الذي عرض عليا، وكان بيقولي 250 ألف فدان يعني ما يقرب من مليار متر، العملية مش فصال إحنا بنحاول نوصل لأفضل شروط لأن الأرقام ضخمة جدًا".

وأضاف "السيسي"، على هامش كلمته بافتتاح عدد من المشروعات القومية في محافظة دمياط: "زي ما عملنا في انفاق قناة السويس، هاتوا المكن ونشتغل، والحساب وقود ومرتبات ناس بس، غير كده مفيش، اللي بنعمله في البحيرة واللي هنعمله في باقي البحيرات".

وأردف: "بقول لزمايلي في الدولة والحكومة لما أنت تنسى تطهير بوغاز البردويل، إنتاج البردويل ينزل تحت، بقولها لكل مواطن ومحافظ شمال سيناء ومحافظ بورسعيد، حاجات متتنسيش وتكون دايمًا حاضرة في أذهاننا، لو البحيرات اتنست متطهرتش سنويًا أو كل سنتين عشان يكون حجم شعاع المياه الذي يدخل من البحر ثابت ومستقر سوف ينخفض إنتاجها".

وتابع: "بقول للمصريين اوعوا تفتكروا بناء الدول كده، وبقول للإعلاميين الحكاية كبيرة قوي عشان نتصدى لبناء وعي حقيقي في الحفاظ على الدولة وتطويرها، بما يليق بدولة مصر".