حظك اليوم برج الثور الاثنين 23/4/2018 ركز ف الممبار النهاردة

اعرف حظك اليوم برج الثور بالتفصيل الاثنين 23/4/2018 مع عبدالله أحمدحظك اليوم برج الثور عاطفياً( الكراش والإكس والبوي فريند والجيرل فريند والجوز والزوجة والقرايب ):

عاطفيا النهاردة انتا محتاج تبقى واضح مع نفسك وتقرر هل انتا بتحب اللي بتقول انك بتحبه ولا انتا بتحب نفسك وبس ومعندكش مساحة تانية ف حياتك او ف خيالك او ف وقتك عشان تحب حد تاني اساسا

حظك اليوم برج الثور عمليا( الشغل والمذاكرة والتخطيط لبكرة ):

عمليا انتا ف حالة توتر وصراع وبتتخانق مع نفسك كتير جدا ومع الدنيا.. اهدى على روحك حبة وخليك فريش.. انتا عايش ف كوكب بيلف حوالين نفسه ودايخ اساسا.. كبر دماغك حبة

حظك اليوم برج الثور صحياً( نفسيا وجسمانيا وكل مايخص طاسة المزاج ):

مفيش حاجة مستاهلة العصبية النهاردة اطلاقا الا لو انتا صاحي اساسا من النوم ناوي تتخانق او توري العالم قد ايه انتا ممكن تكون عدواني وفاضي.. غير كدة حاول تركز النهاردة ف الممبار اكتر من اي حاجة ف الاكل.. احتمال يعدل مزاجك ولا حاجة مين عارف

إعرف توافق برج الثور مع باقي الأبراج النهاردة:

متوافق مع الابراج الكستبانية والدخانية والمونوكرومية والكتكوتية والهوائية والترابية

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.