حظك اليوم برج الأسد الاثنين 9/4/2018 ..الغرور ممكن يفسدلك كل حاجة

حظك اليوم برج الأسد الاثنين 9/4/2018

اعرف حظك اليوم برج الأسد بالتفصيل الاثنين 9/4/2018 مع عبدالله أحمد

برج الأسد عاطفيا( الكراش والإكس والبوي فريند والجيرل فريند والجوز والزوجة والقرايب ):

الغرور ممكن يفسدلك كل حاجة.. خد بالك وخليك متواضع ولو هتمثل الدور دة مش ازمة ولا عيب.. واللي بتحبه المفروض يقدر قد ايه بتتعب عشانه خصوصا لما يشوفك متشحتف وبتمثل انك متواضع وبتيجي على نرجسيتك عشان بتحبه.. اما لو مش قادر تعمل كل دة ف بقترح تفكك من حكاية الحب دي اساسا وتشيلها من دماغك ومتوجعش بيها قلبك على الفاضي

برج الأسد عملياً( الشغل والمذاكرة والتخطيط لبكرة ):

قدامك اكتر من اختيار وفرصة عملية بس انتا لسة مش عارف تاخد قرار ف الاغلب وبتدرس العيوب والمميزات لسة ف دماغك.. خد وقتك ومتستعجلش.. مهم تتصرف بهدوء عشان تنجح وتوصل للي انتا عاوزه

برج الأسد صحياً( نفسيا وجسمانيا وكل مايخص طاسة المزاج ):

صحيا النهاردة انتا محتاج تهتم حبة بشرب المية عمال على بطال ومحتاج برضة تعمل اي تمرينات ايروبكس كدة تنشط بيها جسمك وتفك بيها عضلاتك اللي قشفت ويبست من قلة الحركة..

تعرف على توافق برج الأسد مع باقي الأبراج النهاردة:

متوافق مع الابراج الحنكوشية والكهربائية والبرطمانية والكهرمانية والهوائية والنرفانية والنارية..

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.