عمرو أديب يتعرض لهجوم شرس بسبب الليمون (فيديو)

يحرص موقع «السُلطة» الإخباري، متابعة آخر ما جاء في برامج التوك شو، وإليكم التفاصيل
 

قال الإعلامي عمرو أديب، إنه تعرض لهجوم شرس وحملة شعواء، بعد تعليقه أول أمس، على غلاء أسعار الليمون ووصوله إلى 100 جنيه للكيلو، معقبًا: «كنت أفهم أهمية الزيت والسكر.. ايه أهمية الليمون؟، والرد كان غريب: بنعمل ليموناته.. طيب ما تعمل برتقاناته، أو فرولاته، البلد مليانة برتقال صيفي».

 

وتابع خلال برنامج «الحكاية»، المذاع على قناة «إم بي سي مصر»: «دخلت المطبخ النهاردة وقلت لهم انتوا بتستخدموا الليمون في ايه؟.. ولا حاجة.. ولقيت ناس بتكرر حدوتة كدا وقالك: في عهد السيسي الليمون بـ100 جنيه، وعهد مرسي المانجا بـ4 جنيهات، وده كذاب، مكنتش بـ4 جنيهات، هو أي حاجة، بلد بتأكل 100 مليون كل يوم، ايه اللى حصل؟.. ويقولوا هي العيشة تتعاش من غير ليمون، يا نهار أسود ومنيل، ما فيه خل وليمون الأضاليا بـ20 جنيها، والليمون اللى بـ100 جنيه آخر الشهر هيبقى بـ3 جنيهات»، معقبًا: «فيه أشياء بحس بمعاناة البني آدم.. ولكن ما يولع الليمون».