(علميني إزاي أحبك)

 

 علــميــني إزاي أحــبك

ما أنت شـاطره ف العلام

عَرفــيني إزاي أقـــولك

أحـلي كلمه ف الكلام

خَبي حُــبي لحد قلبي

ما يبــقي قادر ع الغرام

وإللي فات مش بس مات

دا إللي فات ظُلم وحرام

**

أنت شمس يدوب بتطـلع

بـــدر في ليــــلة التمام

خَـد ورد وقَـــد حَـــد

ورمش مسحوب بإنسجام

العيون الحور حكايه

والهيام في الإبتسام

والبدايه طــرف رمشك

والســـــــلام مسك الختام

***

إشرحيلي ياحبيبتي

 كل وردة ف الكتاب

مين قطفها ومين حضنها

 ومين سقاها م العذاب

ومين ليلاتي كان يبوسها

 لما خد الوردة داب

ومين برجله كان يدوسها

ومين حرمها الأهتمام

**

أنت يا إللي  القلب  شايفك

 وردة نايمة ع الغضون

مهما هب الريح وعلّا

 بردو تضحك للعيون

مهما هز الطير غصونها

عارفة ان الطير حنون

خايفة مرة شوكها يغلط

 يدمي جرحك يا يمام

*

ولا يعني عشان عشقتك

 ابتلي بكل الهيام

وابقي مش قادر اسيبك

 وانتهي ساعة الخصام

**

نفسي أبقي في شِعر حبك

 زي قيس أو زي عنتر

أمشي أعد النجم ليكي

 وأعشقك من  غير ما أفكر

وأبني من شوقي إليك

 برج عاجي وقصر مرمر

أنت تستاهلي أكونلك

 شمع في ليلك  منور

وأبقي ضلك في نهارك 

وأبقي نورك ف الظلام

**

ولا يعني عشان عرفتي

ضعفي في حبك حقيقتي

تجرحي  وتلوعيني

وتكتبي ف بعدك نهايتي

*

شاوري يا مهجة فؤادي

 ع اللي آذاكي في بعادي

وإمسحي دمعك بإيدي

 وإقتلي حزنك  قصادي

دا اللي أنا إتعلمته منك

خلي قلبي ورد نادي

لو في يوم هتضيعي مني

يبقي هان الموت و عادي

كله يتساوي في خيالي

وابقي عايش والسلام

**

لما قلبك كان سامعني

انتهي اللي  كان واجعني

ولماكنت تقربيلي

البراح مبقاش يساعني

***

في النهايه أحب اقولك

إن انا إتعلمت منك

إني لما ابقي ضهرك

تبقي أنت زند خيمتي

أبقي صاين عهد عمرك

تبقي نبراسي ومسيرتي

كل لحظة بعد عنك

هي في شرعي حرام