فن الخميس، 28 مارس 2019 04:47 مـ بتوقيت القاهرة 2019-03-28 16:47:48

بعد إشعالها السوشيال ميديا.. شاهيناز: «الحمد لله ابني رجعلي»

كتب محمد خليفة

أعلنت المطربة شاهيناز، عبر حسابها الشخصي على موقع التواصل الاجتماعي فيسبوك، عن عودة ابنها «مالك» لها مرة أخرى، بعد طلاقها من زوجها الذي اعتدى عليها بالضرب المبرح قبل أيام.

وكتبت شاهيناز، قائلة: «الحمد لله ابنى مالك رجع لحضنى تانى أكيد كلكم فاهمين يعنى إيه إبن يكون بعيد عن حضن أمه ربنا يخليلكم ولادكم ويفضلوا فى حضنكم طول العمر عايزة أشكر كل واحد وقف جنبى فى مشكلتى والمحنة اللى أنا فيها وعايزة أقول إن محبة الناس دى نعمة كبيرة ربنا يديمها علينا».

وتابعت شاهيناز: «عايزة أقول إن المحنة دى عرفتنى حاجات كتييير ومين الصحاب اللى بجد ومين الناس اللى عرفتها على حقيقتها وإن شاء الله أنا مؤمنة إن ربنا حينصرنى ويجيبلى حقى ربنا يخليكم ليا يا أحلى ناس فى الدنيا».

وكانت شاهيناز الشهيرة بأغنية «قولي قولي»، قد أعلنت قبل أيام عبر حسابها الرسمي على موقع التواصل الاجتماعي "فيس بوك" عن تعرضها للضرب من زوجها السابق «إيهاب محمود»، بعد أيام من إعلان انفصالها عنه بعد زواج دام فترة قصيرة.

ونشرت شاهيناز مجموعة من الصور لها بعد اعتداء زوجها السابق عليها، وعلقت قائلة: «حسبنا الله ونعم الوكيل.. ضربتنى وبهدلتنى أنا وأمى.. مش عايز يدينى ابنى.. ليا رب يجبلى حقى»، وذلك بعد زواج استمر عدة سنوات، وإنجاب طفل يُدعى «مالك».

شاهيناز تعلن عودة ابنها لها بعد أزمة تعرضها للضرب من طليقها