شيرين: تربيتي كانت صعبة لإن أبويا صعيدي وعلمني أعرف الإنسان من جزمته (فيديو)

شيرين، قالت الفنانة شيرين: "أمي كانت تركية وتربيتها كانت صعبة وشديدة جدا، ولما دخلت معهد الباليه بقت أصعب ووالدي صعيد فعاملين كوكتيل غريب مع الالتزام والنظام".

 

علاقة شيرين بوالدتها ووالدها

وأضافت خلال لقائها ببرنامج "واحد من الناس" الذي يقدمه الإعلامي عمرو الليثي بقناة "الحياة": "أمي عمرها ما مدت إيديها عليا طول حياتها، ولكن بابا مرة زعق وشخط فيا مرة واحدة وقتها وقعت على الأرض، ومسكني وضربني على رجلي وصوابعه علمت على رجلي علشان كنت عايزة أساعد ماما وعايزة أمسح مع الست وهي بتمسح ومن يومها مضربنيش تاني وعرفت من يومها إن مش كل حاجة عارفاها أعملها".

 

درس شيرين من والدها

ولفتت شيرين: "أبويا كان حبيب روحي وعمري وحياتي لإنه علمني الالتزام، وازاي أعرف الانسان كويس وللا مش كويس من الحذاء بتاعه.. أبص لجزمته، إذا ممكن هتكلم معاه بعد كده ولا لأ، مش مهم إذا كانت مقطوعة ولا لأ، ولا براند ولا مش براند، المهم إنها تبقى نظيفة وبتلمع وميبقاش عليها تراب، أنا بتمنى زي ما المدارس عاملة زي مدرسي، بتمنى توحيد شنطة المدرسة مدرسة يبقى عندها شنطة موحدة".