حسن شاكوش عن تبديد منقولات زوجته: مكتبناش قايمة من الأساس.. والعفش كله أنا اللي جايبه

نشر التحقيقات التي حصل عليها في القضية المتهم فيها المطرب حسن شاكوش بتبديد قائمة منقولات زوجته ريم طارق، بعد أزمتهما خلال الأيام الماضية.

التحقيقات في قضية حسن شاكوش وزوجته ريم طارق

وأنكر حسن شاكوش في التحقيقات اتهام زوجته ريم طارق له بتبديد قائمة منقولاتها الزوجية، والاستيلاء على مشغولاتها الذهبية، وقال إنهما لم يكتبا قائمة منقولات زوجية من الأساس.

وتابع شاكوش: العفش اللي موجود في بيتي كله أنا اللي جايبه.. وهي جابت أواني وغسالة أطباق و3سجاجيد.. وأنا مكتبش وصل أمانة بـ 500 الف جنيه ولا حاجة.

كما أنكر حسن شاكوش اتهام زوجته ريم طارق له بسرقة مشغولاتها الذهبية، واتهمها بالاستيلاء عليها وزعم سرقتها قائلًا: الدهب كان معاها وهي عارفه هو فين.

وأضاف شاكوش أنه لم يمنعها أيضا من الحضور إلى الفيلا مسكن الزوجية والحصول على ملابسها وأدوات ومستحضرات التجميل الخاصة بها، قائلًا: هدومها ومكياجها موجود عندي في الفيلا وهي ما أخدتهوش وأنا مش مانعها تاخدهم.

أقوال حسن شاكوش بالتحقيقات في اتهام زوجته ريم طارق له بسرقتها

وينشر القاهرة 24 جزءا أقوال حسن شاكوش في التحقيقات بالقضية والتي جاءت كالتالي:

س: ما قولك فيما هو ثابت بمحضر جمع الاستدلالات المؤرخ في 5/ 5/ 2023 بتبديد منقولات ريم طارق، والاستيلاء على مشغولاتها الذهبية؟

ج: أصلا مفيش قائمة اتكتبت والعفش اللي موجود في بيتي كله أنا اللي جايبه.. وهي جابت أواني وغسالة أطباق و3 سجاجيد وأنا مكتبش وصل أمانة بـ 500 الف جنيه ولا حاجة والدهب كان معاها وهي عارفه هي فين وهدومها ومكياجها موجود عندي في الفيلا وهي ما اخدتهوش وأنا مش مانعها تاخدهم.

س: ما قولك فيما هو ثابت بشهادة المجني عليها ريم صادق السيد بتحقيقات النيابة العامة؟

ج: كنا متفقين نكتب قائمة بـ 80 ألف جنيه مش 650 ألف زي ما بتقول.. والعفش اللي موجود في بيتي كله أنا الى جاييه وهي جابت أواني وغسالة أطباق و3 سجاجيد.. ومكتبتش وصل أمانة بـ 500 ألف جنيه ولا حاجة والذهب والشبكة كانوا معاها.

س: وهل قمت بتحرير قائمة منقولات زوجية؟
ج: أنا اتفقت إني هكتب قايمة بـ 80 ألف جنيه بس.

س: وما هي المنقولات الزوجية المتواجدة بمسكن الزوجية؟
ج: المنقولات عبارة عن أوضة نوم وأوضتين أطفال ويقدروا بـ 100 ألف جنيه.