روجينا: بكيت بعد حلق شعري في مسلسل ”ستهم”، وهذا رد فعل أشرف زكي وبناتي (فيديو)

قالت الفنانة روجينا: "مخرج مسلسل ستهم رؤوف عبد العزيز، هو اللي اقترح عليّ إني يحلقوا لي شعري على الزيرو، وأقصى مرحلة حزن بالنسبة للشخصية موت ابنها".

 

معاناة روجينا في مسلسل ستهم

وأضافت روجينا خلال لقائها ببرنامج "كلمة أخيرة" الذي تقدمه الإعلامية لميس الحديدي بقناة "أون إي": “قلت للمخرج أنا شعري خفيف هحلقه إزاي؟ فقال لي لازم يبقى عندنا مصداقية وحلقوا لي بالماكنة ورشوني ”سبرتو" بعد مناقشات كتير، ووافقت في النهاية".

مشكلة واجهت روجينا بسبب حلق شعرها

وتابعت: "فيه أيام كتيرة وشي كان بيورم، ويوقفوا التصوير يومين تلاتة بسبب السبرتو اللي اترش على راسي علشان يبقى لون واحد".

-إعلانات-

ولفتت: "بعد لما شعري بدأ ينبت المخرج قال لى لازم تحلقي تاني فقلت له: لأ اقسم بالله ما هاعمل تاني لإني تألمت وتعذبت أوي، ومش هقدر أعمل ده لإني مش عارفة المرحلة اللى جاية شعري هيطلع ازاي وبأي طريقة".

بكاء وحزن روجينا

وأكدت: "أول مرة شوفت نفسي في المراية وأنا قرعة وحالقة شعري حزنت جدا وعيطت.. بس ده كان لوحدي في الأوضة الخاصة بيا وندمت جدا بسبب الجرأة لإن كان ممكن نحل الموضوع ده بشكل آخر".

رد فعل أشرف زكي علي حلق روجينا شعر رأسها

وكشف الفنانة روجينا، رد فعل زوجها أشرف زكي نقيب المهن التمثيلية، علي حلق شعرها خلال مسلسل "ستهم"، قائلة: “لم يتفاجأ طبعا وأخدت رأيه قبل ما أحلق شعري وكنت بربط إيشارب في البيت، وبناتي قلبوها تريقة، وبقوا يقولوا ”ماما القرعة"، والصلعة وبقيت بالنسبة لهم راجل في البيت".