نسرين طافش توجه رسالة لمتابعيها بمناسبة رمضان عبر إنستجرام.. شاهد

شاركت الفنانة نسرين طافش، متابعيها عدة صور جديدة لها من أحدث جلسه تصوير في المطبخ عبر موقع التواصل الاجتماعي “إنستجرام”.

 

وظهرت نسرين في الصور أثناء صنعها للكعك الصغير رفقة قطتتها.

 

وعلقت نسرين علي الصور قائلةً:"شهر رمضان قرب كتير ، ربي يجعلو خير و سلام و محبة و رحمة لكل الناس ، و بما انو في كتير ناس بدل ما تحافظ على صحتها برمضان بيجي وقت الافطار و بياكلو شو ما كان و بيزيد وزنهم و بيتدايقو ".

وأكملت:"خلونا نحط نية بهالشهر انو اكلنا يكون صحي اكتر فيه خضرة و فواكي اكتر و لحوم اقل خاصة انو كلنا صرنا منعرف شو المداجن الكبيرة بتطعمي الحيوانات (هرمونات انتيبايوتيك و غيرو من أعلاف صناعية ضارة بتدخل جسمنا ) يعني اللحوم ما بقت نضيفة متل على زمن ستي و جدي ، و للاسف تبرمجنا برمجة خاطئة لوقت طويل انو الاكل الصحي متل اكل المستشفيات مالو طعم و هاد خطأ و غير حقيقي ابدا "

وأضافت :"يللي بيتابعوني منيح بيعرفو اني بحب الطبخ ، و تحويل مكونات بسيطة لشيئ جديد لذيذ متعة بالنسبة الي ، يللي البعض ما بيعرفو انتي تلت ارباع نباتيةً من سنتين ، لاني لسا باكل سمك مرة بالاسبوع و كل كم شهرين او تلاتة لو اشتهيت اكلة بحبها فيها دجاج او لحمة ممكن اكل منها و ممكن لا ، بدون ما حس بالحرمان او اضغط على نفسي و ما بعمل دايت ، و بلعب رياضة بانتظام و معتمدة على البروتين النباتي الطبيعي من الاكل الي سنتين و ما اشتكيت من شي بفضل ربي ، ما باكل سكر صناعي او طحين (يعني لا خبز ولا معجنات الا لو بغش) ولا بشرب حليب بقري مصنع ولا مشروبات غازية ، يعني اكلي صحي بنسبة تسعين بالمية"

وأختتمت:"انا مو هون لأتفلسف عليكون و ورجيكون شطارتي ، انا هون لاعطيكون فكرة قديش الاكل النباتي طيب و متنوع و فيه بركة و اخف على جيبتكون ، ما عم قول صيرو نباتين لا كل انسان حر شو بياكل ، بس هالكلام ممكن يساعدك و يشجعك تهتم بصحتك اكتر و تدخل اكل (حيّ) مش مطبوخ لوجباتك و تضيف خضرة اكتر و فواكي و بالتدريج يصير اكلك صحي اكتر . . ربي يديم نعمة الصحة عليكون و رمضان كريم و غوتشي و فيندي بيبعتولكون كتير حب،رح حطلكون بالستوري كم اكل صحية"