أشرف عبد الباقي في ذكرى وفاة علاء ولي الدين: كنت بشوف الخير اللي بيعمله واتعلمت منه
![صوره ارشيفيه](https://www.alsolta.net/img/23/02/11/238451_W.jpg)
![](https://www.alsolta.net/ix/GfX/logo.png)
أحيا الفنان أشرف عبد الباقي ذكرى وفاة الفنان الراحل علاء ولي الدين، حيث روى عدة مواقف إنسانية جمعته بالراحل سواء أثناء رحلته في العمرة أو عملهما معا بالمسرح.
وكتب أشرف عبد الباقي على حسابه الرسمي بـ فيس بوك منشورًا، معلقًا: ربنا يرحمك يا علاء زي النهاردة من عشرين سنة اتوفى علاء ربنا يرحمه ويغفر له يا رب، وبرغم إن فات عشرين سنة على وفاته، لكنه كان وما زال أقرب صديق ليا.
وأضاف أشرف عبد الباقي: أول مرة أطلع عمرة كان معاه وإحنا رايحين الكعبة قالي بص في الأرض لغاية ما نوصل والكعبة تبقي باينة، وأقولك بص وادعي ويمكن الحكاية دي بقيت أعملها مع أي حد يعمل عمرة لأول مرة وادعي لعلاء، وفي حياته كنت بشوف الخير اللي بيعمله مع ناس كتير واتعلم منه بشكل مباشر وغير مباشر.
موضوعات ذات صلة
وزيرة التعاون الدولي تبحث جهود التعاون الثنائي المشترك مع وزير التجارة العراقي
مهرجان الإسكندرية للفيلم القصير: ترجمة ٥٠ فيلما في الدورة التاسعة من المهرجان
مهرجان الإسكندرية للفيلم القصير: ترجمة ٥٠ فيلما في الدورة التاسعة من المهرجان
لحج.. بدء توزيع 130 ألف ناموسية مشبعة بالمبيد
استقرار أسعار الذهب مع ترقب الأسواق عالميا لبيانات التضخم الأسبوع المقبل
وفاة الممثل الشاب كودي لونجو عن عمر ناهز الـ34 عاما
أسعار اللحوم في السوق اليوم السبت 11 فبراير 2023
أسعار حديد التسليح في السوق اليوم السبت 11 فبراير 2023
ركين سعد تظهر صعيدية لأول مرة في مسلسل كابوس
زلزال بقوة 6 درجات يضرب سواحل إندونيسيا
هزة ارتدادية تصل لـ 4.5 ريختر تضرب مناطق تركية
الزمالك يؤكد صعوبة لحاق فتوح بلقاء سموحة”
منشور أشرف عبد الباقي عبر فيس بوك
واستكمل أشرف: علاقتنا كانت أكتر من إخوات ومن خلاله كنت بشوف باقي أصحابنا، لأنه كان كريم جدًا ومضياف جدًا وفي بيته كنت بحس إني في بيتي، ووالدته الله يرحمها زي والدتي اللي اتوفت وأنا في سن صغير، وخالد أخوه الله يرحمه ومعتز ربنا يكرمه ويخليه لأولاده زي إخواتي وقت ماكنت أحس إني متضايق أروحله أتكلم معاه وأرتاح، مكانش يعدي يوم إلا لما نتقابل أو نتكلم في التليفون نعرف أخبار بعض.
واختتم حديثه: وصادف أن يوم وفاته كان أول يوم عيد الأضحى وبعد ما وقف على الأضحية اتوفي وكنا على ميعاد يومها في المسرح، لعرض مسرحية لما بابا ينام اللي انتهت بوفاته، ربنا يرحمك يا علاء ويصبر أهلك وأصحابك اللي أكيد ما دام عرفوك عمرهم ما هينسوك.