خطيب المتهمة بقتل والدتها ببورسعيد تعليقا على رسائلها من محبسها: ”كلامها قطع قلبي”

قال محمد القطان خطيب نورهان الفتاة المتهمة بقتل والدتها ببورسعيد بمساعدة العشيق الجار، تعليقا على الخطابات المتداولة على مواقع التواصل الاجتماعى والتى أرسلتها نورهان لعمتها شيماء من محبسها، إنه قرأ الخطابات وحزن بسببها، ودمعت عيونه، موضحا "هى شعرت بذنبها، ويكفى عبارة أنا عايشة ميتة، حيث قطعت قلبى، فقد شعرت بحرمانها من جميع من حولها سواء والدها أو أشقائها الاثنين أحمد وآدم، ووالدتها التى كانت تعشقها حتى خطيبها الذى كان يعاملها كبرنسيسة".

 

رسالة خاصة من نورهان من محبسها لخطيبها

 

وأضاف القطان: نورهان أرسلت لى رسالة خاصة فى الخطاب سألت فيها عني وكيف أتعامل أمام أهلي وأصحابي".

و تابع خطيب نورهان: "آخر زيارة قامت بها عمتها لها قالت لها: "قولي لمحمد خطيبي ومامته اني بحبهم أوي"، مضيفا "أنا متأكد إنها لو مكنتش بتحبني قبل الحادثة فهي دلوقتي عرفت قيمتي وعرفت أنا كنت إيه ومازلت ايه".

 

مكنتش بتحبني علشان مصيبة فقد العزرية

 

وقال خطيب نورهان، تعليقا على التصريحات المتداولة على مواقع التواصل الاجتماعى، بشأن ما قالته خطيبته بأنها لم تكن تحب خطيبها: "مكنتش بتحبني علشان المصيبة اللي هي فيها فقد العذرية موش علشان حاجه تانية، ووقوفي بجانبها الآن لا يشترط جوازى منها، والدليل اني نزعت الدبلة من يدى منذ بداية الجريمة، وهي كذلك خلعتها في قسم بورفؤاد أول، وما أقوم به من دفاع عنها واجب على تنفيذا لوصية والدتها، رغم وجع قلبى منها".

 

نورهان المتهمة بقتل والدتها في بورسعيد: "نفسى الحكم ينزل لمؤبد علشان أكفر عن ذنوبى"

 

ونشرت هايدى الفضالى محامية الفتاة المتهمة بقتل والدتها بورسعيد بمساعدة العشيق الجار، على صفحتها الشخصية على موقع التواصل الاجتماعى "الفيسبوك" نص خطابات أرسلتها نورهان من محبسها لعمتها، بعد تحويل أوراق قضيتها الى فضيلة المفتى.

نورهان

وقالت نورهان: والله قاعدة هنا ما بفكرش غير انتم عاملين ايه وازاى وسط كلام الناس اللى يقتل، إخواتى بيروحوا مدارسهم ازاى وسط أصحابهم، وأبويا بيروح شغله ازاى وسط الناس، خطيبى بيتعامل ازاى قصاد أهله وأصحابه اللى مراهن عليا قصادهم، انتم أهلى بتواجهوا الناس ازاى وهم بيعايروكوا بيا، ساعات بتمنى أن ينفذ حكم الإعدام على وأموت وأخلصكم منى، ومن الكلام اللى معيشكم فى قلق وخوف، وارجع واقول يا رب حكمى ينزل مؤبد على الأقل أقدر أشوفكم، وأنا حتى فى السجن، أقدر أعيش وأكفر عن ذنوبى كلها، موش عارفه أنهوا ذنب بالضبط اللى دخلنى هنا وقضى على وعلى حياتى كلها.

وتابعت نورهان في خطاباتها: "موش عارفه أنا بحاسب على ايه ولا ايه، والله العظيم اللى أحسن من أى حد وأى حاجه ما قتلت، ولا أقدر أعمل كده، وانتى أكتر واحدة عارفة انى عمرى ما أقدر أعمل ده مهما كنت جامدة وقوية.

وأضافت "لو على موتى والله العظيم ما كنت أعرف انه ها ينفذ حاجة، عيل أصغر منى بـ٣ سنين، عمرى ما اقتنعت انه يعمل حاجة زى كدة، ما كنتش أعرف ان الشر و الغل اللى كان جواه من ناحيتنا وواثقة ان أهله كانوا عارفين وموافقين على كده لأنهم عارفين انه موش هايتحاسب، وانى اللى ها البس الليلة، وقت ما شوفته بيعمل كده فى ماما اتكسرت وخوفت".

ونقدم لكم تغطية ورصدًا مستمرًّا على مدار الـ 24 ساعة لـ سعر الذهب، أسعار اللحوم، أسعار الدولار، أسعار اليورو، أسعار العملات اليوم ، أخبار الرياضة، أخبار مصر، أخبار الاقتصاد، أخبار المحافظات، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.