الفنان رامي وحيد يكشف سبب اختفاءه عن الساحة الفنية خلال الفترة الماضية| فيديو

تحدث الفنان رامي وحيد عن سبب اختفائه وقله أعماله خلال الفترة الماضية، لافتاً إلى أنه يعرض عليه الكثير من الأعمال، ولكن الفكرة المناسبة هى التي تحدد قبوله للدور من عدمه.

وقال رامي وحيد دايما بيتعرض عليا حاجات دايما جديده بس الفكره انها تبقي مناسبه والواحد بيخاف يعىل حاجه اي كلام .. بس دايما في جديد ، وانا معنديش مبدأ اني اشتغل عشان اظهر واتواجد في التليفزيون لكن اتواجد بجودة الحاجه اللي بعملها" .

وأضاف رامي: "مهما بعدت عن التلفزيون والناس سنين السنين ممكن عمل واحد يخليك دايما موجود.. زي كوميك حلم العمر وعمر وسلمي وسلسال الدم والدكتور ضياء في الطوفان، لحد دلوقتي ليها مشاهدات".

وتابع قائلًا "والحمدلله عندي اكتفاء من الي بشوفه من الناس مخليني عندي رضا اني مش عايز اعمل أي حاجة وخلاص، وأنا بحب اشتغل بمزاج والشغل بالنسبة لي متعة".

وأضاف : "اشتغلت حاجات تانيه كتير بس التمثيل مينفعش غير عشان المتعه بس ودي وجهه نظري في حاجه شغلانتها واساسها الإبداع صعب جدا تتحول لشغلانه، للآسف هتبقي مصدر رزقك الوحيد ،هي حاجه هتبقي صعبه شوية علي الفنان وأنا اخترت الشكل ده ليا " .

وقال :" اتمني ربنا يكرمني بحاجات بالشكل اللي بفكر فيه ده، ويمكن ده السبب الي مكنش ابويا الله يرحمه موافق عشانه إني أمثل لانه كان ممثل برضو ويارب نلاقي حاجه حلوه " .

وهنأ الفنان رامي وحيد الفنان إيساف بعقد قرانه وقال :"الف مبروك للعروسين والعروسه عملت معجزه ومش مصدقين ان ايساف اتجوز وشجعتنا كلنا دخلت القفص وهتدخلنا معاك القفص" .

وأضاف وقال "ربنا يكتبلك احلي أيام يا إيساف وكل خير وعروستك زي القمر وربنا يخليهالك ويوم جميل ولذيذ اوي مع كل صحابنا " .

وأحتفل الفنان إيساف، مساء الخميس 26 يناير، بعقد قرانه على فتاة من خارج الوسط الفني، في مدينتي، ووصل العروسين منذ قليل إلى مكان عقد القران وزينت القاعه بالورود.