كاملة أبو ذكري: نانسي عبد الفتاح وتامر كروان من أصحاب الحظ بالنسبة لي

أشادت المخرجة كاملة أبو ذكري بالتعاون مع مديرة التصوير نانسي عبد الفتاح والمؤلف الموسيقي تامر كروان، وذلك خلال ندوة تكريمها في اليوم الخامس من مهرجان القاهرة السينمائي الدولي في دورته الـ 44.

وقالت كاملة أبو ذكري: نانسي عبد الفتاح بحس إنها روحي ونصي التاني، هي مش مجرد مديرة تصوير وهي عندها إحساس فظيع تجاه العمل الفني كله، هي فنانة وبترسم بالنور، وربنا يخليهالنا وأي مخرج يشتغل معاها.

وتابعت: بالنسبة لتامر كروان، بنتخانق كتير ولكن في النهاية بنوصل للحاجة اللي بتريحني وتريحه، أصحاب الحظ والتفاهم والحب بيني وبينهم.

تكريم كاملة أبو ذكري في مهرجان القاهرة السينمائي

وكانت المخرجة كاملة أبو ذكري أعربت عن سعادتها الشديدة بتكريمها في حفل افتتاح مهرجان القاهرة السينمائي، حيث قالت: حسيت إنها حاجة كبيرة أوي وشريط عمري عدى كله قدامي وحسيت إنه من أجمل الحاجات اللي حصلتلي في حياتي إني دخلت معهد السينما، وإني اشتغلت في السينما، أول حاجة جات على بالي لما كنت باخد دعوة بابا عشان كان بيتعزم دايمًا، وادخل أكبر مهرجان وكان نفسي انتمي للفنانين والمخرجين الكبار والناس اللي سابتلنا تاريخ كبير، ومكنتش أتخيل إني أتكرم في مهرجان كنت أتمنى إنه يدعوني، وفي مهنتي محظوظة بالناس اللي اشتغلت معاهم ومحظوظة باللي دعموني ومهنة السينما بتخليني اشوف العالم كله وتخلينا نتعامل مع أغنى واحد في العالم وأبسط وأفقر واحد في العالم.