حسام حبيب في تسجيل صوتي: شيرين أكبر غلطة بحياتي.. مش عاوز أعرفها تاني

تداول رواد مواقع التواصل الاجتماعي تسجيلا صوتيًا لـ الفنان حسام حبيب، يقول فيه إن طليقته المطربة شيرين عبد الوهاب منعته من زيارتها في المستشفى، الذي تتلقى العلاج به.

وقال حسام حبيب، في التسجيل الصوتي: شيرين دي أكبر غلطة غلطتها في حياتي وأنا اتصدمت فيها صدمة عمري، لا عايز شوفها تاني ولا أسمع اسمها.
‏
‏واختتم حسام حبيب حديثه قائلا: تنسى إنها عرفت حد اسمه حسام في حياتها، من اللحظة دي أنا ما عرفش حد بالاسم دا.

الحالة الصحية لشيرين عبد الوهاب

وسبق، وأكد محمد عبد الوهاب شقيق الفنانة شيرين عبد الوهاب، أنه في محاولة منه لإنقاذ شقيقته، توجه لشقتها بمنطقة التجمع الخامس، واصطحب لجنة من أحد المستشفيات لأخذ شيرين والذهاب للمستشفى وتلقي العلاج.

وأضاف محمد شقيق شيرين عبد الوهاب خلال تصريحات تلفزيونية، أنه لم يعتدي عليها بالضرب، قائلًا: والله الحكاية معقدة، أنا دلوقتي أختي بتتعرض لـ عصابة حسام حبيب وسارة الطباخ، أختي بتضيع وبتنهار، أنا مضربتهاش ولا اعتديت عليها.

 

ياسر قنطوش: حسام حبيب قالي أنت الوحيد اللي اتحركت علشان تنفذها

كما تحدث المستشار ياسر قنطوش، محامي شيرين عبد الوهاب، عن تفاصيل أزمة الفنانة الأخيرة ودخولها أحد المستشفيات بمنطقة مصر الجديدة.

وقال ياسر قنطوش في تصريحات تلفزيونية: أنا تفاجئت بـ حسام حبيب واقف عند المستشفى اللي فيه شيرين، وقال أنت الوحيد اللي اتحركت علشان تنقذ شيرين، ولما سألته شيرين فوق بتعمل إيه قالي أخوها دخل التجمع الخامس وضربوها ودخلوها المستشفى غصب عن إرادتها.

وأضاف ياسر قنطوش: رأي المختصين إن شيرين مريضة ولازم تتعالج، والفنانة في المستشفى لأن فيه تقرير طبي بيقول إنها لازم تتعالج، وشيرين حقها تكمل علاجها في أي مكان آخر، ولم تخرج من المستشفى لأن في تحقيقات وطلبت إنها تخرج من المستشفي تحت رعاية أخوها أو حد من أهلها، النيابة لسة بتاخد قرار لأنه في قرار فني من مختصين.