وفاء عامر عن إمكانية خيانة زوجها لها: مش بديله فرصة | فيديو

قالت الفنانة وفاء عامر: "لما قلت إن لو زوجي خانني يبقى العيب فيَّ ده معناه ثقة بالنفس، وأنا مش بخلي فيه فرصة لزوجي إنه يخوني".

 

موقف غريب لوفاء عامر

وتابعت خلال لقائها ببرنامج "البخت" المذاع على قناة "الشمس": "لو شُفت واحدة جميلة بسبق أنا وأقول لزوجي الله دي قمر، وأنا ست حرة أتكلم عن نفسي ولا أتكلم عن العموم".

 

تعرض زوج وفاء عامر للحسد

وأضافت:"ولو ست زوجها خانها أكيد العيب يا فيها يا فيه، وجوزي دخل المستشفى 4 مرات وعايزة أبطل أتكلم عليه لأنه بيتحسد".

سر وفاء وفاء عامر لزوجها

وتابعت: "العيب يكون فيا لما اسمح لحد يدخل حياة زوجي ومبقاش عاملة له كل الحاجات اللى أكون بيها صاحبته ورفيقة الدرب واللي بتسمعه واللي لما يحب يتكلم تسكت خالص ولما يبقى قاعد يشتغل ما تشغلهوش، وما تطبش عليه وتراقبه وما تفتحش الموبايل من وراه لإن لو الراجل عايز يخون هيخون حتى لو مراته قاعدة جنبه".

وأكملت: "أنا عايشة أنا وجوزي أصحاب بنتخانق وبنتصالح وبنلعب طاولة وبناكل أكل ساعات ما بيعجبهوش احنا زي أي عائلة عربية".

ولفتت: "زوجي هو اللي بيختار لي صاحباتي لإن عينه حلوة في معرفة معادن الناس".