مصطفى كامل: أولادي بيحبوا ويجز واقتنعت بشاكوش بعد بنت الجيران

قال الفنان مصطفى كامل، إن الناس هاجمته بعد ظهوره في برنامج وقال إنه لا يحب نوعًا معينًا من الغناء، متابعًا: "الناس شتمتني أما قولت كدة".

وأضاف كامل خلال حواره مع الإعلامي أحمد موسى ببرنامج "على مسئوليتي" المُذاع على فضائية "صدى البلد": "الكلام كان على ويجز وأنا لا أقلل من قيمته، لكن أنا والله لا أعرفه".

وتابع: "ابني سمعني ويجز لأنهم بيحبوه، فلما سمعت لاقيت نفسي مش قادر، بعد ما بتسمع بتقرر إما الصوت عجبك ولا لا".

مصطفى كامل: ابني قال لي شاكوش ناجح جدًا وعامل أغنية حلوة

واستكمل: "كنت في حفلة كبيرة ولاقيت المتعهد بيقولي أنا معايا حسن شاكوش ومكنتش أعرف مين شاكوش، فقولتله شاكوش إيه ومرزبة إيه هتحطه جمب صورتي!، لاقيت ابني بيقولي ده ناجح جدًا وعامل أغنية حلوة".

وأردف: "سمعت أغنية بنت الجيران حبيتها واقتنعت إن شاكوش موهوب، بعدها كلمت المتعهد قولتله أنا آسف أنا معرفش شاكوش بس هو هايل وأنا معنديش مشاكل معاه".