عمرو يوسف: باولا باتون سابت التمثيل مع توم كروز واشتغلت مع العبد الله

كشف الفنان عمرو يوسف، عن كواليس تعاونه الأول مع الممثلة والمنتجة الأمريكية باولا باتون، حيث جمعهما مسلسل وعد إبليس، الذي يعرض حاليًا عبر إحدى المنصات الإلكترونية.

 

وقال عمرو يوسف، في تصريحات تلفزيونية: باولا سايبة توم كروز ودنزل واشنطن، وجاية تمثل مع العبد لله، والست اشتغلت مع الهوليوود سوبر ستار، وكنت لسة بستكشف الشخصية هتعامل معاها إزاي خاصة إني أول مرة أقابلها، وهي على المستوى الإنساني بني آدمة جميلة ومتعاونة وبذلت مجهود كبير، وأنا استمتعت بالشغل معاها وفريق العمل كله سعيد بالعمل معاها، ولسة دورها هيوضح في الحلقات اللي جاية أكتر.

 

كما تحدث عن الفنان فتحي عبد الوهاب، الذي تعاون معه أيضًا لأول مرة من خلال مسلسل وعد إبليس، قائلًا: فتحي عبد الوهاب، من الناس اللي اتشرفت وانبسط إننا قربنا من بعض وبقينا أصحاب أكتر من خلال العمل ده، لإنه إنسان مثقف ومتحضر، كنت بستمتع بالشغل معاه والحديث معاه في الكواليس عن شخصياتنا، لدرجة إن وصلنا في مرحلة من التفكير هو غرض الشيطان إيه والإنسان إيه؟ ده كان شغل ممتع جدًا.

 

وتطرق في حديثه عن بطلة العمل، الفنانة عائشة بن أحمد، قائلًا: عائشة بن أحمد، استمتعت بالشغل معاها جدًا، وأحمد مجدي عظيم وكسبت صديق على المستوى الإنساني لأنه شخص محترف وبيحب شغله.

 

أما عن الفنانة نيللي كريم فقال: مشهدي مع حبيبتي اللي شرفتنا وأضافت لينا نيللي كريم، في المشهد ده بالتحديد هو إبراهيم مكنش شخصيته التانية، وهو كان بيعافر، وهي كانت عايزاه يستسلم والشيطان كان عايزه يستسلم، والبني آدم طلع القمر، ولو كان استسلم مكنش طلع من الكهف.

 

وأكد عمرو يوسف، إنه لا يحب أن يحكم على زملائه فنيًا قائلًا: أنا محبش أحكم على حد من زملائي الجمهور هو اللي يحكم علينا كلنا وعلى شغلنا، دايمًا بتكلم على الجوانب الإنسانية واللي عاشرتهم فترة طويلة في اللوكيشين، لأن المسلسل ده استغرق تصويره أكتر قد مثلًا ما بنصور 30 حلقة، فكانت عشرة طويلة مع الزملاء وتحولوا من زملاء إلى أصدقاء.