باسم سمرة: فيلم أحاسيس كان فيه بوس وعامل شغل حلو

قال الفنان باسم سمرة إنه يحب فيلم أحاسيس الذي عرض عام 2010، وشارك في بطولته مع علا غانم ومجموعة أخرى من الفنانين، وكان يتناول مشاكل المشاكل الجنسية التي تتعرض لها المرأة بعد الزواج.

وقال باسم سمرة خلال لقائه في برنامج واحد من الناس مع الإعلامي عمرو الليثي عبر شاشة قناة الحياة: عملت فيلم حلو أوي اسمه أحاسيس كان فيه بوس وكده، وكان عامل شغل حلو أوي، بس مش أنا اللي كنت ببوس كان أحمد عزمي.

وفي سياق آخر، صرح باسم سمرة بأنه زوج عملي وغير رومانسي، مضيفًا: بحب أحافظ على البيت وبحب كل حاجة تبقى مترتبة وبتوقيتات وقبل ما أتجوز كنت راجل مقطع السمكة وديلها، بس دلوقتي لا عشان خلاص كبرنا وبقى عندنا عرايس.

واستكمل: أنا صاحب الكلمة في البيت، مش عشان الذكورية ولا حاجة بس بما أن أنا أكتر خبرة وحريص على بيتي وبحب بيتي جدا، فالمركب اللي ليها ريسين بتغرق.. وفي مرة معجبة جات قالتلي عايزة اتجوزك قولتلها كلمي مراتي لو وافقت أنا تمام.

كما تطرق باسم سمرة بالحديث عن تفاصيل علاقته ببناته وهل كان يتمنى أن يكون لديه ولد، قائلًا: كان نفسي يبقى عندي ولد، بس جاتلي تجربة كانت قاسية جدا عملنا محاولة والبنت توفت بعد شهرين من الولادة فأثرت فيا جدا فحمدت ربنا على اللي عندي.