بدأه بالشكر والعرفان.. احتفالية المرأة المصرية في 4 رسائل.. والسيسي: قوتك وراء صنع الوطن

استهل الرئيس عبدالفتاح السيسي، احتفالية المرأة المصرية بتقديم الشكر والعرفان والتقديرات لسيدات مصر، وقال الرئيس السيسي، "إن يوم المرأة المصرية هو يوم جميل خالص إن احنا نحتفل بالأم والأخت والابنة المرأة المصرية".

الرسالة الأولى

وأضاف الرئيس السيسي خلال كلمته في احتفالية المرأة المصرية: "مش قادر أقولكم يعنى لقائي مع السيدات الفضليات الكريمات اللى التقيت بيهم في التكريم واللى مشوفتهومش وهما في كل بيت مصري نقولهم متشكرين ومقدرين بوجهلهم التحية والتقدير والاحترام".

وتابع الرئيس: "اسمحولى أقولكم حتى السيدات اللى مش موجودين معانا دلوقتي وعند ربنا سبحانه وتعالى ندعو الله أن يتغمدهم برحمة بحق كل حاجة حلوة عملوها وكل سهرة وهدمة غسلوها وحق كل أكلة صنعوها وحق كل دعوة هما دعوها، ربنا يارب ، هما ضيوف عندك وأكرمونا كلنا ، وبقوا في دار الحق فتفضل عليهم بكرمك وعطفك ورحمتك.. يوم جميل ان احنا نتذكر الفضليات الكريمات العظيمات اللى هما نبع العطاء".

الرسالة الثانية

وأشاد الرئيس عبد الفتاح السيسي، بدور المرأة المصرية في نجاح برنامج الإصلاح الاقتصادي، مشددا على انه لولا هذا البرنامج لأصبح وضع مصر صعبا.

وقال الرئيس: "بفضل الله ولولا هذا الموقف والإجراءات اللى اتعملت خلال السنتين اللى فاتوا والأزمة العالمية اللى بنعيشها صدقوني لو مكنش هذا البرنامج وُفقنا فيه كان هيبقا موقفنا صعب قوى في اللى احنا بنعيشه دلوقتي".

الرسالة الثالثة

وشدد الرئيس عبد الفتاح السيسي، على أن المرأة المصرية العظيمة تدعم وما زالت دعما وظهيرا لوطنها، مشددا على أن قوة المرأة المصرية هي التي صنعت مجد هذا الوطن.

وأضاف الرئيس:" المرأة رمز العطاء والتفاني والتضحية المتجردة من أى مصلحة، فهي سر الحياة وأقولها صريحة أن انحيازى للمرأة المصرية هو عن قناعة تامة وإيمان حقيقي بان احترام المرأة وحمايتها وتمكينها واجب وطني والتزام سياسى، وليس هبة أو منحة، بل حق أساسي لها وعلينا جميعا ان نتخذه منهج حياه فبدون ذلك لن يتحقق أى نجاح منشود".

وقال الرئيس السيسي: "إن المرأة كانت سببا كبيرا وأصيلا لحالة النجاح اللى احنا بنعيشها ومكونتش ببالغ، خلال الأحداث اللى في العشر سنين اللى فاتت كانت المرأة محركة وصانعة للأحداث.

وأضاف الرئيس:" أنا واحد من المجتمع بسمع وأشوف الست بتعمل إيه؟ زى كل بيت من بيوتنا، واللى بيحصل فيها تجد في الاخر الست هي اللى بتشيل بقول بإنصاف.. بتكلم في حالة مش استثناء.

الرسالة الرابعة

وقال الرئيس عبد الفتاح السيسي، عن جهود دعم الدولة المصرية: "اللى عايز يشكرنى وقد يري أنى عملت أمر طيب يخلي باله من مصر.. والله يعلم ما في نفسي.. اننا نحافظ على الوطن وحياة الـ 100 مليون مصري وانهم يبقوا في امان وسلام.. في ظل الحالة اللى موجودة في العالم حاليا".

وأكد الرئيس عبد الفتاح السيسي، أن قمة الشكر لله أن نحافظ على الوطن، قائلا: دى قمة الشكر لله.. الحق سبحانه وتعالى وأنا لا ابالغ والله لا ابالغ.. والله والله والله البلد دي كانت كده على وشك السقوط.. انا بقسم بالله وسبحانه وتعالى ايده الكريمة الفاضلة خدتها ورجعتها وحافظت عليها.. يا ترى أحنا بقى إيه.. شكر لله أنه نخلي بالنا ونخلي بالنا من الناس.. ونجري عليهم.. ونحاول نيسر أحوالهم ونبني ونعمر".

وأضاف الرئيس السيسي،: "المرأة المصرية مدعوة بأن يكون لها مساهمة جادة وبناءة في مرحلتنا المقبلة في جمهوريتنا الجديدة التى تشهد العديد من المشروعات القومية العملاقة في تاريخنا الحديث.. والمقام الأول فيها الاستثمار في الإنسان".

وتحدث الرئيس عبد الفتاح السيسي عن دور المشروعات القومية الكبرى التي نفذها الدولة المصرية خلال الفترة الماضية، قائلا: "نقاش كتير دائما موجود.. يا تري احنا موجودين والشغل ده.. هل كان له أثار إيجابية ولا كان أثار صعبة.. هقولكم على حاجة.. أحد المشروعات البسيطة جدا.. مشروع قومى لزيادة حجم القدرة على تخزين القمح.. بقي عندنا القدرة على تخزين 5.5 مليون طن قمح.. كان اللى موجود تلت الرقم ده قبل كده.. كان بيعمل ايه.. حطينا فلوس كتير في الموضوع ده.. لقينا تمن اللى بيفقد 20 % من القمح".