«نفسي أخلف تاني».. أبرز تصريحات شيرين عبد الوهاب في صاحبة السعادة

حلت الفنانة شيرين عبد الوهاب، أمس ضيفة على برنامج"صاحبة السعادة"، والذي تقدمة الإعلامية والفنانة إسعاد يونس، حيث قررت شيرين أن تحتفل برأس السنة مع بناتها في ضيافة إسعاد.

وتحدثت شيرين خلال الحلقة مع بناتها في العديد من الأمور الخاصة، والمواقف الطريفة بينهم، وكانت أبرز تصريحات شيرين عبد الوهاب في برنامج صاحبة السعادة كالتالي:

- أنا لا أقل أنوثة عن أي ست.

- محاربات مرضى السرطان بلغوني أنهم مش مكسوفين من شكلهم فأنا محنتي جت أمل بالنسبالهم.

- مش كل واحدة تتخانق مع جوزها تحلق شعرها.

- عن سبب قص شعرها: وجعي جامد وجرحي كبير.

- عن حلاقة شعرها: حاسة براحة أوي وبغسله 8 مرات.

- كنت خايفة بناتي يتعقدوا ويقولوا إيه ده.. بس طلعوا عيال مكحرتين وبيفهموا.

- مفيش حد بيفهمني ونفسي أبقا زي محمد صلاح.

- أنا مش بخاف.. وعندي عفاريت في البيت بدلعهم واعزم عليهم.

- نفسي أخرج مع براد بيت ويغازلني ونرقص سلو.. وبعدها أقابل ربنا.

- نفسى أخلف تاني.

- نفسي أعمل فيلم ومسلسل كوميدي، وأجسد شخصية الفلاحة الفصيحة، زي فاتن حمامة وسعاد حسني.