شاهد.. مواطنة تشكو شركة جوميا: ”بيركنو بشكل مزعج جدا”

تقدمت مواطنة مصرية بشكوى ضد شركة جوميا بسبب عربيات نقل بضائع الشركة.

وقالت المواطنة عبر حسابها الشخصي على موقع التواصل الاجتماعي "فيس بوك": "انا عندي سؤال لشركة جوميا، من حوالي شهرين اخدو مقر جديد للتوزيع في دور ارضي على ناصية شارعين سكنيين جانبيين خلف جاد الحجاز مصر الجديدة، الشوارع دي ضيقه جدا و بتعدي عربية واحدة بالعافية".

وأضافت: "طول الوقت في عربيات لنقل البضاعة و طبعا مافيش أي اماكن للركن في الشارع فبيركنو بشكل مزعج جدا و يسدو الشارع، غير الناس اللي بتيجي تاخد حاجتها، طبعا مش محتاجه اوصف الوضع مع اوتوبيسات المدارس بيبقى عامل إزاي".

وتابعت: "السؤال بقى، مافيش خلاص مقرات للايجار في شوارع تجاريه؟ ليه في قلب منطقه زي دي و لا لرخص الايجار؟ مين المسؤل عن كده و احنا ذنبنا ايه نبقى مش عارفين ندخل شارعنا و نستنى الناس لحد ما تنزل تحرك العربيات او النقل يحمل البضاعه؟، طبعا الحي لايمكن يكون عنده ادنى فكره عن هذا الموضوع لانه مش شارع تجاري، و طبعا لا تعليق بالنسبه لصاحب العقار لانه اللي عمله ده كارثي".

وأتمت: "اطالب ادارة شركة جوميا لانها تشوف ايه الموضوع ده و مين مسؤل عن كده و لا زم يكون في حل".