ما أنصحش حد يشتري من شاومي.. مستهلك ينصح العملاء بسبب الخدمة السيئة

نشر أحد عملاء شركة شاومي يدعى عصام الكمال، شكوى ضد التوكيل الخاص بهم في محافظة الأقصر، قائلًا: "ما انصحش أي حد يشتري اي سماعه من شاومي".

وكتب العميل عبر "فيسبوك"، "جايب mi true wireless earphones 2 من التوكيل بتاعهم في الاقصر وفيها عيب في الصوت ظهر من اول استخدام ومش راضيين يبدلوها أو يصلحوها أو يدوني فلوسها".

وأضاف، "أثناء المكالمات بيحصل تقطيع واضح في الصوت قالولي سيب السماعه نجربها عشان يشوفو المشكله فين..وبعد ما جربوها رجعوها ليا وقالولي مافيش حاجه في السماعه واني بيتهيألي".

وتابع، "الغريبه اني بعد ما استلمتها تاني ومشيت من المحل اتصلو بيا قالولي احنا متأسفين اديناك سماعه عميل تاني اتبدلت بالغلط سايب سماعته هو كمان عشان فيها مشكله برضه!".

وواصل، "وديت السماعه في مركز الصيانه اللي في العتبه عشان يفحصوها تاني ولسه ماردوش عليا"

واستمر، "لو حد راح مركز الصيانه اللي ف العتبه هايشوف المعامله هناك ازاي وهايشوف الزحمه والطوابير وأعداد الناس اللي واقفه مستنيه دورها عشان اشتروا موبايلات وسماعات جديده من شاومي واكتشفوا فيها عيوب وموظفين الشركه كالعاده مش بيعترفوا بوجود العيوب دي أصلا".

وأتم، "اسوأ شركه ممكن تتعامل معاها خصوصا الصيانه وخدمات ما بعد البيع".