عميلة تحذر من التسوق عبر جوميا: طلبت سلسلة دهب بعتولي واحدة اكسسوارات بـ 20 جنيه

نشر أحد المتضررين من التسوق أونلاين في مصر، منشور تحذير من التسوق أونلاين عبر شركة جوميا، وقال إنه طلب من الشركة سلسلة ذهب من لازوردي إلا أنه فوجئ بوصول سلسلة اكسسوارات لا يتخطى سعرها العشرين جنيها.

وقالت "إيناس" في جروب Don`t shop here - Egypt: إنها اندهشت من وصول طرد بالسلسلة التي طلبتها من جوميا ولكنها فوجئت بأن المندوب رفض فتح المنتج أمامه وقال إن هذا تعليمات الشركة".

وأضافت: "الشركه قالتلي لو في اي مشكله بعد الاستلام بنعملك طلب استرجاع، مضيفة: "دفعت الفلوس و استلمت الحاجه و جالي ذهول لحظه ما فتحتها لقيت مبدأيا علبه لا تخص لازوردي دي علبه هدايا صغيره ب ٥ جنيه و كانت المفاجأه الأكبر لما فتحت العلبه و لقيت سلسه اكسسوار رخيييييصه تمنها لا يتعدي ٢٠ جنيه مثلا !!! و طبعا الشكل ملوش اي علاقه باللي انا طلبته نهائيا!"

وتابعت: "مر حوالي شهر علي الاوردر ده و من يومين لقيتهم باعتينلي رساله بيقولوا تم رفض الاسترجاع مره تانيه و الحاجه اللي ب ٢٠ جنيه الفالصوا دي راجعالي تاني !!

وأتمت: "جوميا حراميه بيرفضوا مراجعه الاوردر قبل الاستلام و بيرفضوا الاسترجاع!!! أخدوا تمن سلسله دهب من لازوردي و بعتولي سلسله فالصوا من علي الرصيف".