طبيبة تهاجم الدكتور محمد مشالي: لا يمت للطب بصلة وكان يجب وقفه عن العمل

نشرت الدكتورة حنان السكرى، استشاري أول التوليد وأمراض النساء والعقم، تدوينة عبر صفحتها على فيسبوك تتضمن انتقادات للدكتور محمد مشالى، طبيب الغلابة.

اقرأ أيضًا| اعترافات مثيرة لـ زمردة ابنة شيري هانم: مارست الأعمال المنافية للآداب في السيارات

وقالت: " دكتور مشالي.. فوق راسي.. لكنه لا يمت للطب بشيء.. و لا له أى علاقة بالممارسة الصحيحة، ولو وزارة الصحة راحت عيادته علشان تعمل تفتيش ضروري تقفلها وتمنعه من ممارسة المهنة والعمل بالطب، لأن عيادته دي تخالف المواصفات الخاصة بالترخيص من ناحية النظافة والتعقيم واحتياطات مكافحة العدوى.. ولو نقابة الأطباء عملت تفتيش ولقيت طبيب بتاع كله، يعني بيكشف أطفال وهو موش متخصص أطفال، وبيكشف باطنة وهو موش متخصص باطنة، وبيعمل تحاليل بأجهزة بدائية موش بتظهر الميكروب صح وهو موش متخصص تحاليل، هتوقفه عن العمل فوراً وممكن يتشطب من النقابة".

تفاصيل أكثر عن القصة.. اضغط على الصورة 

وأضافت: "و دكتور مشالي لما رفض مساعدة غيث دى موش بطولة ولا جدعنة ولا كرامة وكبرياء، ده غلط وضد مصلحة الفقرا والغلابة اللى بيعيش علشانهم زى ما بيقول.. لو عاوز يخدمهم صح يوافق على تجديد عيادته اللى متمسك بيها وسط الغلابة.. يوقف الشغل كام يوم ويفضي كل حاجة فيها والجرايد اللى من أيام الملك، واللي حاططها جانبه كأنها مراجع طبية وأكيد كلها تراب وميكروبات وعفن، ويحط الميكروسكوب الغريب اللى لازقه بشيكرتون في المتحف، ولما يحب يعمل تحليل بول لحد يبعته لمعمل محترم يكون بيعمل خير برده ومجاني".

وتابعت: "لما هو يقدر يلبس كويس ليه يلبس مبهدل ويبقى مظهره غير لائق كإنسان موش هأقول كدكتور؟..