نجم الزمالك السابق يرفض عودة كهربا للفريق

رفض أحمد عيد عبد الملك نجم نادي الزمالك الأسبق، والمدير الفني لجولدي، فكرة عودة محمود عبد المنعم "كهربا"؛ لاعب فريق ديسبورتيفو أفيس البرتغالي، والزمالك السابق إلى صفوف القلعة البيضاء

 

كهربا رحل بعد نهاية الموسم الماضي عن صفوف القلعة البيضاء بعد انتهاء عقده؛ وانضم للنادي البرتغالي وارتبط اسمه بالعودة إلى الدوري الممتاز عن طريق بوابة النادي الأهلي إلا أن بعض التقارير كشفت وجود اتصالات من إدارة القلعة البيضاء لإعادته مرة أخرى للفريق.

 

وكتب "عيد" عبر حسابه الشخصي بموقع التواصل الاجتماعي "فيس بوك": "بصوا يا جماعة أنا كتبت بوست امبارح علي كهربا وقلت أنا ضد إنه يرجع وهو ده رأيي لو بعد ١٠٠ سنة.. أنا ولا بعرف ألف ولا بدور.. كهربا صاحبي وحبيبي وأكلنا مع بعض عيش وملح أكيد".

 

وأضاف: "هو اتقاله كلام قبل ما يمشي ومتنفذش واتقاله كمان هتقعد بعقدك ده في آخر الكلام إذا كان عاجبك هو بقي شايف الي عامله ده صح أو غلط دي حاجة ترجعله وهو ده مصيره أنا بتمني ليه التوفيق في أي مكان بعيد عن النادي يكون فيه".

 

وأتم: "أكيد برضه أنا زملكاوي وواحد من الجمهور ومش عاوزه يرجع.. إمبارح أنا قلت كلامي بعد ما المشرف علي الكرة اتكلم والغلط هيبقي من النادي لو رجع بس كده، آخر حاجة بقي أنا ولا محتاج شغل في النادي مع أنه ده شرف لأي حد ولا محتاج أميس وأهجص علي الجمهور علشان يحبني.. الحمد الله والشكر لله الواحد حاسس بنفسه كويس".