قالوا عنها.. فاتن حمامة في عيون نجمات السينما المصرية

سيدة الشاشة العربية وأحد أهم أيقونات الزمن الجميل، وصاحبة الرقم القياسي في أهم أفلام السينما المصرية، جسدت الفتاة والمرأة المصرية في كثير من صورها، وحرصت على ألا تقدم ما يخدش الحياء أو يقلل من قيمة فنها طوال خمسين عاما من العطاء.. ونستعرض هنا ما قيل عنها من الفنانين والمشاهير اللذين عاصروها.

شادية

هي بدأت قبل مني واتعلمت منها كتير، و لما اشتغلنا سوا كنا بنتسابق مين يعمل المشهد ده أحسن من التانية، ولحد دلوقتي باخد رأيها في أي فيلم جديد بدخله.

تحية كاريوكا

بسببها ضربت عضو بالكونجرس الأمريكي وفقعت عينه في حفل كبير ضم العديد من الشخصيات العامة منهم فاتن حمامة و تحية كاريوكا وكان هذا العضو في حالة سكر تام وجذب يد فاتن حمامة بالعافية حتى ترقص معه .

مديحة يسري

لما تزوجت عز الدين ذو الفقار علمتها الطبخ وكانت شقتي فوق شقتهم بدورين، وكنا دايما في عزومات وعمرنا ما خبينا على بعض حاجة.

مريم فخر الدين

لما فاتن حمامة سيدة الشاشة إحنا جواري الشاشة اللقب ده مستفز، وأنا بحب أفلامها خاصة دعاء الكروان، بس ده مش معناه أنها أحسن واحدة فينا كلنا كنا كويسين .

هند رستم

علاقتي بفاتن حمامة علاقة عادية جدا، وعمرنا ما كنا أصحاب رغم تقديري لها ولمشوراها الفني الكبير .

صباح

أنا مهما نجحت في السينما عمري ما هكون فاتن حمامة .

نادية لطفي

بحبها وهي بتمثل، وبحبها وهي بتتكلم، وبحبها وهي معايا أخت وصديقة وأستاذة .

سناء جميل

فاتن حمامة أظهرت المرأة المصرية في صورة غير طيبة كان من الممكن أنها تستغل شهرتها وموهبتها في تقديم صورة المرأة المصرية أفضل من كده لكنها استسلمت للمخرجين إللي خلوها فتاة مغلوبة على أمرها .

ماجدة الصباحي

صديقة عمري وكنا مع بعض دايما الحلوة و المرة .

سعاد حسني

لما حد يقارني بفاتن حمامة بزعل أوي أنا فين وفاتن حمامة فين .