أمير كرارة: «مش بحب أعيش دور الشيخوخة»

ينشر موقع «السُلطة»  الإخباري مجموعة من اخبار البرامج فى شهر رمضان المعظم، واليكم التفاصيل
 

قال الفنان أمير كرارة، إنه لا يحب مرحلة الشيخوخة، معللا "مش بحب أعيشها علشان مبحبش أحس نفسي تعبان، ولما بتعب بزعل على نفسي، لكن بحب الطفولة جدا لأن الواحد بتكون دماغه فاضية".

وروى كرارة خلال لقائه مع الإعلامية رشا الخطيب، ببرنامج "السرداب" ويذاع عبر قناة المحور، موقفا مرعبا حدث معه عندما كان صغيرا قائلا "كنت ماشي في شارع ضلمه ومش بحب ابص ورايا، والشارع ده كنا مسميينه شارع الأشباح، وكنا بنجري فيه بعجل، وفجأة لقيت شاكوش نازل على دماغى، ولقيت نفسي قدام باب المستشفى، فدخلت من باب غير الباب الرئيسي للمستشفى، لقيت واحد قاعد بسأله على الدكتور مردش عليا فشتمته ودخلت".

وتابع قصته التى قال إنه لا أحد يصدقها عندما يقصها "خيطت دماغى وروحت البيت واخويا قالى تعالى نشوف اللى ضربك، فلما رحنا بنبص على باب المستشفى لقيناه مقفول والقفل مصدى، ودخلنا لمدير المستشفى قالنا الباب ده مقفول من 25 سنة وازاى دخلت من الباب ده، وإن الباب باب مشرحه، ومحدش صدق إن دخلت من الباب".

وأشار إلى أن لديه "فوبيا" من الأماكن المظلمة والمغلقة، مضيفا "لو دخلت أسانسير وعطل بيا ممكن أموت".