هو أنتي مصريه ؟

هو أنتي مصريه ؟

الأسمر إللّى فى جَنوبى
جَاب الجِنان ليا
وأنا م الشَمال يا نُوبى
بس الجنوب غِيه
مَليح لو لَمس تُوبى
أموت مليش ديه
وأمشي من القنطره
حتي القناويه
يا مقبّلين والنبى
أنا ف السمار دايب
الواد غمزلى وطار
وطلق العذاب سايب
وقاللى دور علىّ
طولة ما أنا غايب
ويا نلتقى فى شلاتين
- يا تجينى قى حلايب
******
يا إسكندريه ليه
شاغله الفؤاد ليا
عيني ف محرم بيه
والقلب منشيه
يا فريسكا في سحرك
قلبي في هواكي دق
كل اللي داق بحرك
بيعود متيم عشق
الفاتحه يا اهل الله
للمرسي ابو العباس
دا اللي الكريم مولاه
لا يتوه ولا يحتاس
******
نزلت من المحروسه
أنا قلت فين خالك
داري العيون يا دوسه
وكفايه خلخالك
لا عنت عارف نوم
ولا حدي ولا سبتي
غرقان ولا أعرف عوم
و سابـــتني ف مصيبتي
يا بت رايحـــه فين
هو انت جنيه
جايبه الجمال دامنين
هو أنت مصريه ؟؟؟؟؟
*
ونكمل بكره يا بلادي
سيد فهيم