عمر كمال يهاجم مشروع عمرو مصطفى لتحويل صوت أم كلثوم بالذكاء الاصطناعي

هاجم المطرب الشاب عمر كمال مشروعات تحويل أصوات كبار المطربين باستخدام الذكاء الاصطناعي على غرار المشروع الجديد للملحن والمطرب عمرو مصطفى والذي أثار الجدل مؤخرا.

ونشر عمر كمال عبر حسابه الشخصي على موقع التواصل الاجتماعي فيس بوك منشورا كتب فيه، "طب لو افترضنا إن فيه برنامج عرف يجيب صوت أم كلثوم مثلا وده مش هيحصل أصلا لأن ده صوت نازل بالجودة بتاعته من السما ملهوش بديل.. هتجيب إحساسها منين ووجعها وهيا بتقول "وعايزنا نرجع زى زمان قول للزمان ارجع يا زمان".

وتابع، "هتجيب منين الشموخ والكبرياء اللى ف صوتها وهيا بتقول " بدى أشكيلك من نار حبى بدى أحكيلك ع اللى ف قلبى وأقولك ع اللى سهرنى و أقولك ع اللى بكانى وأصورلك ضنا روحى وعزة نفسى منعانى ???? “ صوت الانسان عبارة عن احساسه وتجارب حياته اللى عاشها كل ده بيصنع صوته وملامح صوته استحالة اى حد مش برنامج بس يعرف يجيب احساس حد او حتى عوربة حزن او احساس جملة قالها الصوت الحقيقى .. الذكاء الاصطناعى حلو جدا للموزعين والملحنين هيخليهم يبيعوا شغل كتير بجد لانه ممكن يبعت للمطرب او المطربة أغنية خلصانة كلام و لحن وتوزيع متغنى بالذكاء الاصطناعى بصوت بلاستيك قريب من صوته فا المطرب هيشوف نفسه ف الموضوع علطول وهيعرف ان الاغنية بتاعته ولايقه عليه جدا وبدال ما يقول للموزع او الملحن سبنى كام يوم اشوف فيها نفسى واجرب صوتى عليها هيقوله الاغنية بتاعتى علطول لانه شاف نفسه فيها .. لكن ان الذكاء الاصطناعى يعمل نجم أستحالة البلاستيك يبقى زى الحقيقى”.

وتفاعل عدد كبير من الجمهور مع عمر كمال بعد منشوره الأخير على فيس بوك خاصة في ظل ارتباط البعض بصوت كوكب الشرق أم كلثوم على طبيعته حيث حققت نجاحا عالميا مازال مستمرا حتى اليوم.