ضربني بالشاكوش .. اعترافات مثيرة لـ صبي حاول خفير الاعتداء عليه

أحال المحامي العام الأول لنيابات جنوب الجيزة الكلية خفيرا إلى محكمة الجنايات لاتهامه بـ هتك عرض طفل بالقوة مستغلا ضعفه لقلة حيلته بأن كمم فاه وانزوى به عنوة حاسرا عنه ملابسه مستطيلا لمواطن عفته، وذلك بدائرة قسم شرطة الطالبية بالجيزة.

قرار عاجل فى اتهام أنوش بنشر الفسق والفجور اتجنن عليهم.. تفاصيل جديدة في تخلص مهتز نفسيا من زوجته ونجله بالمطرية أقوال المجني عليه أمام جهات التحقيق

س/ ما تفصيلات ما حدث تجاهك "أفهمناه"؟

ج/ أنا كنت خرجت من البيت الساعة تسعة الصبح علشان اروح الورشة اللى بشتغل فيها لاقيت الورشة مقفولة فروحت لصاحب الورشة البيت علشان اجيب المفتاح بتاع الورشة وأنا وواحد زميلي في الورشة واحنا في نص الطريق صاحبي قالي انه مش عارف الطريق فوقفنا، وهو وقف يعمل حمام في أرض فيها مشتل زرع في المريوطية فصاحبه كان فاكرنا بنسرق حاجة فقالنا امشوا من هنا فجرينا أنا وزميلي فلاقينا الواد اللى اتحرش بيا بزعق فينا والواد التاني اللى كان معايا جرى ولقيت الواد اللى اسمه احمد قالى تعالى انت حرامى سرقت ايه مسكني من تيشيرتي وراح شدنى ودخلنى عشة خشب ومسكني من وسطي وحط ايده فى بوقي وكان ماسك شاكوش وضربني به على مؤخرتي، وخلعني البنطلون والبوكسر وكان عايز يتعدى عليا جنسيا بس ملحقش يعمل حاجة علشان الناس اتلمت ومسكوه واتصلوا بوالدي فجالي وروحت على القسم عشان نعمل محضر".

محاولة هتك عرض طفلتوقيت حدوث الواقعة بالمريوطية

وأضاف المجني عليه أمام جهات التحقيق:" الكلام ده حصل 10 سبتمبر 2022 حوالي الساعة 12 مساء في المريوطية، والطريق كان فيه ناس ماشية وعربيات بس العشة كانت تحت الكوبري مطرفة شوية، وكنت رايح في الطريق ده علشان أجيب المفتاح من صاحب الورشة، والعشة كانت خشب تحت كوبري المريوطية والمكان حواليه زبالة، وكنا الضهر، وكنت في الوقت ده انا خايف ومش عارف أتحرك وصوت جامد لحد ما الناس اتلمت، وهو مكنش بيتكلم وكان ساكت، وكان عايز يعمل معايا حاجات قليلة الادب، بس هو ملحقش يعمل حاجة فيا، وده كل اللى حصل".

بداية الواقعة

بداية الواقعة عندما تقدم المجني عليه ووالده ببلاغ إلى قسم شرطة الطالبية باتهام للمتهم بهتك عرضه ومحاولة التعدي عليه داخل إحدى العشش أسفل كوبري المريوطية، وعلى الفور تم ضبط المتهم وتقديمه إلى جهات التحقيق وإحالته لمحكمة الجنايات لمحاكمته في الاتهامات الموجهة إليه، في القضية رقم 17195 لسنة 2022 جنايات الطالبية، والمقيدة برقم 6016 لسنة 2022 كلى جنوب الجيزة.