شكوى :مصر الرقمية مش رقمية

اشتكي Mohamed Abdellatif علي جروبThe Power of Social Media - Consumer’s Experience من معاملات مصر الرقمية حيث كتب منشور:

طلبت شهادة مخالفات من يوم 8 اغسطس علشان الرخصة كانت هتخلص يوم 28 ودفعت قيمة المخالفات ومصاريف الخدمة والبريد بالفيزا .. وفضلت مستنى الشهادة يوم واتنين وثلاث وعشرة ولا فيه فايدة ولا فيه رد من اى حد .. روحت المرور دفعت مصاريف الاصدار تانى وعملت شهادة مخالفات ورخصت العربية وخلاص ..

النهاردة بقى يتصل بيا مندوب البريد بيقولى لحضرتك شهادة مخالفات .. اسلمتها لقيتها بتاريخ 9 اغسطس يعنى الشهادة فات عليها 22 يوم ومدتها انتهت خلاص ولا ليها اى لازمة ..

التحول الرقمى مش معناه انك تاخد الفلوس فى لحظة ولما تفضى تبقى تقدم الخدمة اللى حضرتك خدت فلوسها وطالب الخدمة يخبط دماغه فى الحيطة او يروح يدفع تانى علشان يخلص مصلحته ..

تطوير منظومات الدفع يستلزم تطوير البشر القائمين على تادية الخدمات للناس مش ان الجهة تاخد فلوسها وتسيب المواطن يواجه فكر موظفين لسة متغيرش وادارة متعرفش تنفذ المطلوب منها فى الموعد المحدد .

لو لسة مش جاهزين للتحول الرقمى استنوا لما نجهز وبعدين نفتح باب تقديم الخدمات الكترونيا .