أحد عملاء WE :باقة الإنترنت خلصت في 5 أيام ..بتتعمل إزاي؟

اتهم Mohamed Yehia Mohamed على جروب The Power of Social Media - Consumer’s Experience

المصرية للإتصالات we قائلا في منشورة وشكواه ال المفروض إنها شركة حكومية محترمة......من زمااان جدا و انا عارف و متأكد إنى بتسرق كل شهر فى خدمة الإنترنت الأرضى و إنى مبستهلكش الباقة فى ٢٥ يوم زى م كان بيحصل بس كنت بعديها و أقول تمام مش مشكلة....إنما واضح إنى كنت غلطان و أهبل ...لأن التنازل ده هو ال علمهم التوحش...

لاحظت إن مؤخرا كده ( اخر ٤ - ٥ شهور ) معدل السرقة زاد حبتين...يعنى بدل م كان نفس إستهلاكى بياخد حوالى ٢٥ يوم لنفس الباقة أصبحت بقدرة قادر ٢١...بعدين حوالى ١٩ ...و أنا مش فاهم و أقول يمكن الولاد ولا حاجة....لحد بقى الفضيحة بتاعت الشهر ده

انا جددت من ١٢ يوم بالضبط يعنى يوم ٢١ اغسطس.....باقة ١٤٠ جيجا كالعادة.....و قعدت فى البيت ٥ ايام و الخدمة زفت و بتقطع و سرعة بطيئة لدرجة إنى قلت اكيد فى مشكلة فى الخط أو حاجة بس كنت هسافر ف قلت اشوف الموضوع ده اما ارجع...و سافرت أصيف....و البيت فضل مقفول اسبوع مفيهوش مخلوق.....رجعت يوم ١ سبتمبر

النهاردة ٢ سبتمبر الخدمة ال هى أصلا زفت قطعت ....دخلت اشوف على ال application فوجئت إن الباقة قال ايه خلصت

١٤٠ جيجااااا خلصوا فى ٥ ايام استهلاك...و عندى كل ما يدل على إن البيت كان فاضى إسبوع.....انا نفسى أعرف إزاى اصلا أخلص ١٤٠ فى ٥ ايام ....يعنى لو عايز اعملها بتتعمل إزاى

السؤال دلوقتى....أعمل إيه و أشتكى فين لإن الموضوع مبقاش موضوع إنى عايز الخدمة ترجع...انا مش عايز حد يستغفلنى ولا يسرقنى....انا عايز حقى ال فات و ال جى.....اروح أشتكى فين و الموضوع يكبر إزاى؟؟؟

علما بإن حتى خدمة الخط الساخن بتاعهم غيروها بحيث إنه بقى شبه مستحيل تتواصل مع حد...كلها رسايل مسجلة بتدفعك للتجديد أو دفع أى فلوس.....الموضوع بقى مهزلة حقيقية و سرقة علنا