شريف خيرالله: لما طلقت مراتي سبت لها كل حاجة من غير قايمة.. العشرة أهم من شوية عفش

تحدث الفنان شريف خيرالله عن رأيه في الجدل الذي أثير مؤخرًا عبر مواقع التواصل الاجتماعي عن إلغاء قائمة المنقولات الزوجية، مؤكدًا أن القائمة شيء ليس له قيمة.

وقال شريف خيرالله القائمة ليس لها قيمة بين الزوجين في حالة الحب وليس لها أهمية، ولو حصل انفصال اللي بيبع بيبع حياته وعمره وعشرة سنين فمش هتيجي على شوية عفش.. فإيه الأهم شوية عفش ولا العشرة والولاد، فاللي يبيع عشرة سنين وولاد فيبقى سهل عليه يبيع شوية عفش.

وتابع: انفصلت عن زوجتي وماكنتش كاتب قايمة وسبت لها كل العفش، أنا لما بطلق مراتي وعشت معها 12 سنة خلاص ضاع من عمرها وعمري السنين دي فخلاص مش هتيجي على العفش حفاظًا على ولادي وكنت حريص أعلم ولادي درس وما قدرش أتأخر عنهم في حاجة في ناس ربنا يكفينا شرهم بييرموا ولادهم ومش بيصرفوا عليهم.

وعن رأيه في دخول أبنائه مجال التمثيل رغم الصعوبات التي واجهته، قال شريف خيرالله: لا أمانع من دخول أولادي دخول مجال التمثيل، لأن ابني شاف التعب اللي تعبته لو مصر يدخل وعنده الموهبة يبقى عارف متاعبها ومشاكلها ولو عاوز هشجعه ولو عنده موهبة هقول له اتكل على الله نصيبه هياخده.

كان شريف خيرالله عن تحدث عن معاناته طيلة أربع سنوات، لافتًا إلى أنه مر بظروف قاسية بسبب عدم مشاركته في أي عمل فني ما اضطره لبيع منزله وسيارته، إلى جانب تعرضه لحادث كاد أن يتسبب في وفاته.

وأوضح خلال لقائه في برنامج الستات مع الإعلاميتين سهير جودة ومفيدة شيحة على شاشة النهار: بسبب قلة الشغل، بعت كل حاجة، بعت عربيتي وبيتي وحسيت أني ممكن أنام على الرصيف، لكن كان عندي التزامات تجاه ابني وكنت مدخله مدرسة كويسة لأن حالتي في الأول كانت أفضل بكتير.