أمينة شلباية عن السخرية من فيديوهات تعليم الإتيكيت: ولا بتهزلي شعرة

ردت خبيرة الموضة والتجميل أمينة شلباية على السخرية التي تتعرض لها مؤخرًا من قِبل مستخدمي مواقع التواصل الاجتماعي، بسبب فيديوهات تعليم الإتيكيت التي تنشرها عبر حساباتها الشخصية بمواقع السوشيال ميديا، التي تصدرت التريند.

وقالت أمينة شلباية، خلال حوارها مع المذيع أحمد قاسم، في برنامج ET بالعربي: مبيزعلونيش خالص، بستغرب من نفسي ولا بتهزلي شعرة أبدًا، بالعكس دمهم خفيف جدًا وأنا كمان بتفرج عليهم، وفي فيديوهات كتيرة بتضحك جدًا.

وأضافت أمينة شلباية: فرحت إن أنا أثرت في الناس، سواء الناس اللي قاعدة بتتريق أو الناس اللي عايزة تتعلم، ولما الفيديوهات دي بتتنشر يمكن في ناس مش لاقياني على السوشيال ميديا أو ناس يمكن متعرفنيش أصلًا هتبدأ تتابعني، والفكرة إن دي حاجة مش أنا اللي كتباها دي مادة بتدرس وهو ده الإتيكيت.

أمينة شلباية

وتحدثت أمينة شلباية، عن نفس الأمر، وتعرضها للتنمر بسبب فيديو إتيكيت تناول الأرز، وقالت خلال حوارها في برنامج الستات ميعرفوش يكدبوا، الذي تقدمه الفنانة منى عبد الغني، وهبة الأباصيري وإيمان عز الدين على قناة CBC: مش عارفة ليه اتريقوا، بس في نفس الوقت اتبسط بالسخرية على الأقل المعلومة وصلت لناس كتير ممكن مكنتش عارفة المعلومة.

وعن مشاريعها خلال الفترة المقبلة، قالت أمينة شلباية: حاليًا كل تركيزي على فيديوهات السوشيال ميديا، وتقديم نصائح ومعلومات مفيدة للمتابعين، فمعي فريق عمل كبير يساعدني.