«إيه اللي يثبت كلامك».. عميل كعب داير لإثبات ملكيته لتفعيل خدمة فودافون كاش

سرد أحد المواطنين قصته مع فودافون وقال إنه حاول إنشاء خدمة فودافون كاش، وفوجيء بأن الشركة تخبره بوجود محفظة إلكترونية له في البنك الأهلي برقم الخط.

جاء ذلك في منشور له على جروب «THE POWER OF SOCIAL MEDIA GROP».

وتابع: «قولت ليهم مستحيل وماليش أي محافظ إلكترونية ... ولكن هما قالولي إن المحفظة في البنك الأهلي.. روحت استفسر فعلا لقيت محفظة في البنك الأهلي معمولة من سنة ٢٠١٤ بإسم واحد تاني مش أنا خالص..قولت للبنك اقفلها قالي لازم تجيب عقد أو إثبات من الشركة إن الخط بتاعك..طبعا صعب يكون العقد بتاع الخط معايا طول الفترة دي .. روحت الشركة أطلب صورة من العقد أو أي إثبات إن الخط بتاعي و رافضين تماما بحجة إن العقد مرة واحدة بس عند شراء الخط فقط».