عملاء «أورنج» كعب داير.. وأحدهم: «سحبوا خطي وبيتي هيتخرب»

أعرب أحد عملاء أورنج عن غضبه الشديد من نظام الشركة في سحب الخطوط بدون وجه حق، وسرد قصته المأساوية في منشور له على جروب «THE POWER OF SOCIAL MEDIA GROP» على «فيسبوك».

وقال العميل: «أنا عميل لشركه أورنج من 13سنة والخطوط باسمي.. ولظروف عملي خارج مصر بشحن الخط بمبلغ وقدره لأن الشحن من بره مختلف بسبب رسوم وعمله وخلافه وبعمل منه مكالمات لنفسي بتتكلف حوالي 150 جنيه (شحن ورسوم) كل شهرين ونص أو 3 شهور في كل خطوطي فودافون وأورنج و اتصالات».

وتابع: «أتفاجئ أن الخط اتوقف وأنا بره مصر ولازم أروح خدمه العملا بعت والدتي ومراتي الفرع ببطاقتي ومع ذلك سحبو الخط.. ده غير اني أشحن وأسافر وأنا مش بعمل منه مكالمات أو رسايل أو نت والاقي الرصيد بيختفي.. أكلمهم اونلاين يقولي الخط اتسحب طب رجعهولي تاني يقولي استني لما حد يشتريه واتصل بيه فاوضه.. طب والرصيد اللي كان فيه ؟ طب وشغلي وحساباتي ؟ لا اخبط راسك في الحيط».