تعرف على سر عدم زواج محمد منير

قال الفنان محمد منير، إنه لم يتعمد عدم الزواج أو عدم الإنجاب، «أنا بحب، معرفش أعيش من غير حب، وحب أهلي وأسرتي، الرومانسية بتاعتي أني اتنقل من قلب لقلب، أنا مش متعمد عدم الزواج أو عدم الإنجاب والله، أنا فجأة لاقيت نفسي كبرت وبقيت في عمر الـ 60، بس أنا فاتح الباب، ممكن بكرة أتجوز أو بعد بكرة عادي يعني».

جاء ذلك خلال حواره في برنامج «صاحبة السعادة»، مع الإعلامية إسعاد يونس، الذي يُعرض على شاشة «DMC»، حيث عرضت يونس، تقريرًا للفنان عصام كاريكا يتحدث فيها عن محمد منير، قال فيه «راجل جميل وأخويا وحبيب قلبي وبحبه، تجربة محمد منير الغنائية مختلفة عن اللي سبوقه واللي جاي بعديه، ممكن فيه أشخاص تظهر زي عبد الحليم حافظ، أنما محمد منير لا ليه قبل ولا بعد».

وتابع: «محمد منير وهو بيحضر لأغنية جديدة يكون قلقان أوي طول اليوم، ده اللي مخليه نجم كبير على قلوبنا، أي حاجة بيغنيها بموت أنا فيها، محمد منير كريم جدًا يحب أهل أسوان أوي، كنت في أسوان شهر 11 اللي فات، وأنا راكب مركب في أسوان قالولي دي الفيلا بتاعه محمد منير، صورتها وبعت له وقولت له أنا قدام الفيلا بتاعتك، الكلام ده كان بليل، وقولت أكيد نايم، لاقيته بيتصل بيا يقولي لازم تخش الفيلا وتقعد، ربنا يديله الصحة والسعادة».