مصر تقود العالم العربي الجديد

إمبارح كان إفتتاح المنتدى العربي الإستخباري وشارك فيه الرئيس السيسي .
طب ايه المنتدى ده ؟
ده حضرتك مكان تم تأسيسة في القاهرة بيتم فيه إجتماع دوري لرؤساء أجهزة مخابرات الدول العربية .. والمخابرات العامة المصرية هي رئيسة المنتدى ده .
طب ايه هدفه ؟
هدفه هو التعاون والتنسيق الاستخباراتي بين الدول العربية لعمل منطقة آمنة ضد المنظمات الإرهابية اللي بتحركها دول إقليمية ودولية ، وضد انتشار الفكر الإرهابي المتطرف ، وضد مخطط تقسيم المنطقة على أسس طائفية وعرقية .
يعني ببساطة كده المنتدى ده عملاه المخابرات العامة المصرية عشان تقدر تمارس دورها ( الريادي ) في المنطقة بس بشكل شرعي ادام العالم كله ، ورسالة للجميع ان مصر هي اللي بتتحكم في المنطقة دي بالكامل وخصوصا في الجانب الاستخباراتي .
وعشان برضو تبادل المعلومات والتنسيق بين الدول العربية وبعضها عشان نقدر نقفل على نفسنا ونحمي بعضنا ونتبادل الخبرات والمعلومات .
إنجاز تاريخي يحسب للرئيس السيسي ويحسب ايضاً للواء عباس كامل رئيس جهاز المخابرات العامة المصرية ، ونقلة نوعية كبيرة جدا هتحقق نجاحات غير مسبوقة .
طب ليه المنتدى في مصر ؟
عشان مصر هي الكبيرة وعشان المخابرات العامة المصرية هي الأكبر والأعظم في المنطقة ومش هبالغ لو قولت في العالم ، وبعد المنتدى ده هتزيد مكانتها لأن العالم كله عرف خلاص ان الكلمة في المنطقة دي كلها هي كلمة مصر وجهاز المخابرات العامة المصرية .