عميل يشكو خدمة عملاء فودافون: ناس عقيمة ومش فاهمين حاجة

تقدم مواطن مصري يدعى محمد رمضان، بشكوى ضد خدمة عملاء فودافون، مؤكدًا أن الشركة مصمة على خسارة العملاء.

وقال محمد رمضان في منشور عبر فيسبوك: "مصممين تخسروا الناس يوم بعد يوم ..المشكله دى كلمت فيها اكتر من 4 او 5 ف خدمة العملاء و كلمهم كانوا متفاجئين بحاجه اسمها المساعد الشخصى و انا اللى كنت بشرحها لهم .. إللى هو صباح الضحك.. من يومين تلاته تقريبا شحنت الخط بتاعى بعدها ب 3 دقايق جاتلى مسج ع الفون من vodafone 365 مفادها انى بو جددت الباقه دلوقتى هينزل لى 6200 فليكس بدلا من 4400 و باعتين لى كود.. دخلت ع الأبليكيشن لقيت نفس الكلام ف جددت الباقه من الأبليكيشن - مش اول أجدد الباقه من الابليكيشن - لقيت العرض متفعلش قولت اكلم خدمه العملاء افهم ايه اللى تم.. إتفاجئت و انا بطلب 888 ان معنديش اوبشن اكلم خدمة العملاء".

وأضاف: "اول ما بطلب الرقم بيتقال لى اهلا بيك فى خدمة المساعد الشخصى من ڤودافون ... حاجه عقيمه جدا حاولت امشى معاهم خطوه خطوه بقوا يوجهونى لحاجات غريبه .. مرة النت الأرضى و مره فليكس فاميلى.. حاولت كتير جدا ف كل مره مكنتش بعرف اكلم خدمه العملاء .. مكنش بييجى يقول لى للتحدث لأحد ممثلى خدمة العملاء إضغط صفر بخمسين قرش أصلا .... حاولت اكلمهم من الخط التانى بيردوا عليا بسرعه البرق و دا لأنه خط شركات و هما يخافوا جدا على عميل الشركات.. بعد ما اشرح مشكلتى يترد عليا "" للأسف يا فندم انا مش هقدر اساعدك لأننا شركات مش أفرد "".. طب انا اوصل ازاى دلوقتى ليكم ؟.. عندك خط أرضى ؟.. انا ف مكان وسط الجبل أجيب خط ارضى منين ؟.. كلمت خدمة العملاء من تليفون حد جنبى .. و بعد ما شرحت كل اللى حصل الموظفه بتاعة خدمه العملاء بدون ذكر اسامى اتعاملت بمنتهى برود الاعصاب".

وتابع: "اولا سوحتنى و قالت لى اطلب 808 و مشكلتك هتتحل .. بعد ما قفلت معاها اكتشفت ان دى خدمة البريد الصوتى.. مقدمتش ليا اى مساعده بخصوص مشكله العرض اللى متفعلش .. اصل انا مش هقدر اساعدك يا فندم.. ايوا امال حضراتكم عاملين خدمه عملاء ليه لما كل حاجه عايزينى اروح الفرع !!!!!.. عملت لى شكوى و استنيت محدش كلمنى.. كلمتهم تانى عيدت نفس الفيلم دا و كان ملخص المكالمه.. احنا حاولنا نكلمك بس انت وحش و تليفونك وحش معرفناش نوصل لك مع ان الفون كان لازق ف ايدى اصلا و محدش رن.. لما يكون عندك اتنين اوبشن انك تجدد الباقه و تاخد العرض عن طريق الكود و عن طريق الابليكيشن جددها عن طريق الكود.. اصل الابليكيشن بعافيه شويه و مش بيفعل العروض مع ان فى جزء كااامل ف الابليكيشن خاص بالعروض اصلا.. هو احنا اه غلطانين بس مش هنعت ف بغلطنا و انت عميل نوتى مبتسمعش الكلام.. عملت شكوى تانى ف نفس اليوم محدش عبرنى".

وواصل: "جيت تانى يوم كلمت خدمة العملاء تانى و حكيت نفس القصه تالت و رابع و طلبت انى اكلم حد من الاداره.. بطلوع الروح كلمونى ع الخط بتاع الشركات و قالوا لى حد من زمايلنا هيكلمك ع الخط اللى فيه المشكله.. كلمونى و حكيت اللى حصل.. دا كان اكتر حد عقلانى و اتفق معايا ان لو الكلام دا حصل فعلا يبقى دى غلطه من عندنا .. و قال لى توجه بالفون و المسجات لأقرب خدمة عملاء ف اى وقت و بمجرد ما يشوفوا ان العرض نزل لك قبل ما تجدد الباقه هيبقوا يفعلوه لحضرتك ... صوت صرصور الحقل يدوى فى المكان.. مرضبتش ادقق معاهم ف العرض .. بناقص .. بالنسبه لان حضرتك مش عارف تكلم خدمة العملاء ف دى مشكله هتتحل ف خلال 48 ساعه و شكرا لحضرتك.. طبعا ال 48 ساعه عدت و مفيش مشاكل اتحلت و كفيش حاجه هتتحل إلا لما أنزل أجازه و أغير الخط لأى شركه تانيه و ألغى تعاملاتى معاهم.. عشان دول ناس أبعد ما يكونوا عن الإحتراف ف التعامل ".